Со денешното тргување, заврши најлошото полугодие за европските акции од 2008 година досега обележано со непредвидливост, реакции на централните банки во борба со инфлацијата и со рускиот напад врз Украина.
Европскиот индекс Stoxx Europe 600 денеска падна за 1,5 отсто со што ја зголеми загубата во првата половина од годинава на 17 отсто. Инвеститорите сега се насочени кон тоа дека е економскиот раст најверојатно ќе забави заради високата инфлација.
Растот на цената на нафтата, високите стапки на инфлација и загриженоста заради рецесијата ги оставија сите сектори, освен енергетиката, во минус годинава, а референтната вредност на Stoxx 600 е блиску до мечкин пазар. И германскиот индекс DAX имаше најлоши полугодишни резултати од 2008 година затоа штто најголемата економија во светот се бори со последиците од војната во Украина.
„Нагласениот песимизам сега е длабоко вкоренет. Инвеститорите сметаат дека централните банки главно ќе го игнорираат падот на берзите во борбата со инфлацијата“, вели Anna Macdonald, фонд менаџерка во Amati Global Investors.
Bloomberg
Ова беше тешка година за акциите во регионот, расположението на инвеститорите беше нарушено и со загриженноста дека агрисивното заострување на политиките на централните банки ќе предизвика економски пад. Претседателот на Федералните резреви на САД Јеrome Powell и неговите европски колеги предупредија на растечките ризици од инфлацијата.
„Сомневањето повторно ги обзема финансиските пазари, со се поголем страв дека централните банки во битката против инфлацијата сериозно ќе го ризикуваат економскиот раст“, вели Susannah Sttreeter, аналитичарка за вложување и пазари во Hargreaves Lansdown Plc.
Денешните податоци покажуваат дека француската инфлација во јуни се зголемила за 6,5 отсто, најбрзо по воведувањето на еврото. И инфлацијата во Шпанија неочекувано стигна на рекодно нивво. Во еврозоната, јунските податоци за инфлацијата се закажани за утре и се очекува раст во однос на претходната година.
„Има неколку ризици дека инфлацијата ќе забрза“, вели Josie Dent, главна економистка во Центарот за економски и деловни истражувања. „Инфлацијата ќе забрзува годинава“, рече таа за Bloomberg TV.
„Следната сезона на заработувачка ќе биде следниот голем катализатор за европските акции. Проценките за заработувачка од акциите Stoxx 600 се рекордно високи, покажуваат податоците кои ги собра Bloomberg, а аналитичарите од Sanford C. Bernstein велат дека Европа сега е регион во кој аналитичарите ги зголемуваат очекувањата за корпоративна добивка.
Bloomberg
Меѓу останатите случувања денеска: Uniper SЕ падна на петгодишен минимум откако германскиот услужен сектор ги повлече своите прогнози и објави дека расправа за евентулен пакет за спас од германската влада по руските потези за ограничување на испораките на природен гас.
И SAP SE потона откако Exane BNP Paribas ја намали оценката на акциите на неутрална, а како ризик за побарувачката на краток рок ја наведе одлуката за поголемата контрола за трошење за софтвер. Bunzl Plc oд друга страна порасна, затоа што соопшти дека очекува солиден раст на приходите во 2022.
.webp){kind=icon}
