Берзата на „Насдак“ (Nasdaq Inc) во Шведска е казнета со 100 милиони шведски круни (9,6 милиони долари) од институцијата за финансиски надзор на земјата поради недостатоци во начинот на кој берзата води евиденција за прекршоците за инсајдерско тргување.
Истрагата спроведена од Управата за финансиски услуги покажа недостатоци во начинот на кој „Насдак Стокхолм“ вршела мониторинг при „четири големи компаниски настани “ во 2021 и 2022 година. Тој мониторинг „требало да спречи, идентификува и обелодени инсајдерски зделки“, соопшти регулаторот денеска.
Истрагата, исто така, покажа дека „Насдак“ иницирала тргување со два финансиски инструменти, во 2022 и 2023 година, со што ја прекршила регулаторната рамка бидејќи Управата не одобрила и не регистрирала проспекти за инструментите. Сепак, прекршувањата не се сметаат за доволно сериозни за да се повлече овластувањето на берзата, соопшти Управата.
„Иако стоиме на нашата позиција дека имаме доволно способност да откриеме инсајдерски зделки, сега ќе треба детално да ја разгледаме одлуката и да ги процениме толкувањето на шведската Управа за финансиски услуги за нашите обврски и импликациите“, рече Адам Костиал, претседател на „Насдак Стокхолм“ во коментар испратен по мејл до „Блумберг“.
.webp){kind=icon}
