text size
Во три блок трансакции со вкупна вредност од 108,7 милиони денари (1,7 милион евра) вчера и денеска на Македонската берза беа истргувани вкупно 13.702 акции од „Македонијатурист“ АД Скопје. Во блок трансакција вредна 66,5 милиони денари (околу милион евра) денеска беа истргувани 8.321 акција, кои претставуваат 1,84 проценти од основната главнина на компанијата. Акциите се продадоа по цена 8.000 денари за акција.
Во текот на вчерашниот ден, во првата блок трансакција вредна 22,9 милиони денари (373.000 евра) беа истргувани 2.981 акција од компанијата, кои претставуваат 0,66 проценти од нејзината основна главнина. Акциите се продадоа по цена од 7.700 денари за акција. Во втората блок трансакција вредна 19,2 милиони денари (312.000 евра) вчера се истргуваа 2.400 акции од „Македонијатурист“, кои претставуваат 0,53 проценти од основната главнина на компанијата. Акциите се продадоа по цена од 8.000 денари за акција.
Вредноста на акцијата урива рекорди
Прочитај повеќе
Голем пакет на продажба: Кој ќе плати 7 милиони евра за акции во „Македонијатурист“?
Во пакетот практично се продава 9,83 отсто од основната главнина на друштвото, со почетна продажна цена од 9.800 денари по акција преку моделот „се или ништо“.
12.07.2024
Доне Таневски купи акции од „Македонијатурист“ за 866.000 евра
Тој сега поседува 21,50 проценти од главнината на друштвото.
22.05.2024
Продаден блок акции од „Македонијатурист“ за два милиона евра
Станува збор за 4,58 проценти од основната главнина на друштвото.
12.04.2024
„Македонијатурист“ неколкукратно ја зголеми добивката
Друштвото превзема низа мерки со цел намалување на негативните ефекти од зголемувањто на трошоците за струја.
28.02.2024
„Македонијатурист“ е една од компаниите на Македонската берза што бележат континуиран раст на вредноста на акциите. Според податоците на берзата, акцијата на „Македонијатурист“ на почетокот на годинава се тргувала по просечна цена од 4.774 денари, а деновиве просечната цена достигна речиси 8.500 денари.
Компанијата важи за една од најголемите во хотелско-услужната дејност во земјава и е сопственик на хотелите „Холидеј ин“, „Бест Вестерн“, „Карпош“, „Водно“, „Белви“, „Бристол“ и „Јадран“. Во изминатиов период „Македонијатурист“ бележи одлични резултати, успешно ја надмина кризата предизвикана од ковид-19 и постојано работи со добивка.
Промени во сопственичката структура
Податоците на Централниот депозитар за хартии од вредност откриваат промени во сопственичката структура на „Македонијатурист“ во текот на 2024 година. Во јануари годинава меѓу акционерите што поседувале над пет проценти од акциите биле евидентирани „Сава пензиски фонд“, во чија сопственост биле 8,80 проценти од вкупниот број акции, „Македонијатурист“ (10 проценти), Доне Таневски (19,59 проценти) и Соња Бибановска (11,27 проценти). Заклучно со 30 септември годинава на оваа листа е приклучен и Симеон Павлов, кој во меѓувреме купил 5,01 проценти од вкупниот број акции на компанијата, а истовремено Доне Таневски ја зголемил сопственоста од 19,59 на 22,21 проценти од вкупниот број акции на компанијата.
.webp){kind=icon}
