На почетокот на минатата недела кинеската „Дипсик“ (DeepSeek) ги изненади пазарите и предизвика една од најголемите загуби на берзата. Алатката за вештачка интелигенција (AI), која се смета за копија на ЧетГПТ, стана хит за неколку дена, а тоа го почувствува и американскиот технолошки пазар, каде познатиот производител на чипови забележа рекордни загуби.
Според „Блумберг“ (Bloomberg), „Дипсик“ беше најсимнуваната апликација во продавниците на „Епл“ (Apple) и „Андроид“ (Android) минатиот викенд. Сето ова ја доведе во прашање оправданоста за високите вредности на технолошките компании, а најзначаен пад на акциите забележа „Енвидија“ (Nvidia). Нејзините акции паднаа за 17 отсто на 27 јануари.
Вредноста на загубата изнесува 593 милијарди долари, што е воедно и најголема загуба во историјата на американската берза. Падот, исто така, ја турна „Енвидија“ од нејзината позиција како највредна компанија во светот.
Прочитај повеќе
Преглед на берзите: Кинеската бура, величествените седум и танцот на централните банки
„Дипсик“ не го засени сјајот на акциите од групата седум величествени.
03.02.2025
Што е кинеската „Дипсик“ и зошто го тресе светот на вештачката интелигенција?
„Дипсик“е основана во 2023 година од Лианг Венфенг, шеф на квантниот хеџ фонд „Хај-флаер“ (High-Flyer), управуван од вештачката интелигенција.
27.01.2025
„Мајкрософт“ и „Тесла“ разочараа, „Мета“ со претпазливи прогнози
Инвеститорите бараат резултати од милијардите што технолошките гиганти ги потрошија за градење центри за податоци напојувани со вештачка интелигенција.
30.01.2025
Дилема: Инвеститорите се прашуваат дали да инвестираат во „Енвидија“?
Пазарите не сакаат неизвесност, а „Дипсик“ го предизвика токму тоа.
28.01.2025
Но, иако е најголем, тоа не е единствениот драстичен пад на акциите што се случи. Подолу претставуваме преглед на десетте најголеми еднодневни загуби на берзата.
Иако нејзината загуба беше речиси двојно помала, компанијата „Мета“ го доживеа истиот шок како и „Енвидија“. На 3 февруари 2022 година таа забележа загуба од 251 милијарда долари. Оттогаш, компанијата во чија сопственост е „Фејсбук“ го држеше рекордот за најголем дневен пад на акциите во историјата на берзите речиси три години, а падот се случи по објавувањето на полоши деловни резултати од очекуваното.
Само неколку месеци подоцна, на 29-ти април, „Амазон“ исто така забележа пад од 206 милијарди долари, со што го зазеде третото место на неславната листа.
Други американски технолошки компании како „Епл“, „Алфабет“и „Мајкрософт“ исто така забележаа рекордни загуби, држејќи ги првите шест места на листата на најголеми загуби. „Мајкрософт“ имаше најмала загуба од сите. Компанијата го постави својот рекорд од 178 милијарди евра на 16 март 2020 година.
„Арамко“, „Тесла“, „Интел“ и „Алибаба“ ги зазедоа последните четири места, а меѓу нив најмала загуба имаше кинеската „Алибаба“, која забележа рекорден пад од 75 милијарди евра на 11 ноември 2020 година.
.webp){kind=icon}