Преглед на берзите: Трамп наоблачува, „Дипсик“ разведрува

Азиските пазари денес се импресионирани од податоците за растот на цените во Јапонија. Инфлацијата во Јапонија во јануари порасна за 4 отсто на годишно ниво, достигнувајќи го највисокото ниво од јануари 2023 година. Базичната инфлација, која ги исклучува цените на свежата храна, се искачи на 3,2 отсто од 3 отсто претходниот месец, надминувајќи ги очекувањата на економистите од 3,1 отсто, според анкетата на Ројтерс.

Си-ен-би-си (CNBC) известува дека зајакнувањето на инфлацијата ја зголемува веројатноста за зголемување на каматните стапки од страна на Банката на Јапонија. Инвеститорите проценуваат натамошно зголемување на каматните стапки од страна на јапонските монетарни власти со приближно 84 отсто веројатност. Според нив, ова е веројатноста централната банка на состанокот во јули да ги зголеми каматните стапки за 25 базични поени.

Каква е играта на Трамп во Украина?

Така, акциите на берзата во Хонгконг на денешното тргување достигнаа највисоко ниво во последните три години. Индексот Hang Seng во Хонгконг се зголеми за 2,98 отсто на највисокото ниво од февруари 2022 година. Акциите на „Алибаба“, кои котираат на берзата во Хонгконг, пораснаа за повеќе од 11 отсто благодарение на одличните деловни перформанси. Зајакна и кинескиот индекс CSI 300 за 1,12 отсто.

 

 

Иако играчите на глобалните финансиски пазари внимателно ги следат растечките геополитички тензии во традиционалните глобални воени зони, а исто така се загрижени за тарифната војна на американскиот претседател Доналд Трамп, акциите на „Алибаба“ и другите кинески технолошки компании се зголемија во последните недели поради очекувањата за придобивките од воведувањето на четботот „Дипсик“ на компанијата во секојдневните операции. Глобалните инвестициски фондови се главните двигатели на растот, насочувајќи околу 1,3 трилиони долари на кинеските берзи, според „Блумберг“.

 

 

„Алибаба“ и „Нисан“

Кинескиот технолошки гигант „Алибаба“ планира да инвестира повеќе во развојот на вештачката интелигенција во следните три години отколку во последните десет години. „Овој развој дополнително ја потврдува нашата силна верба дека глобалните инвеститори треба да ја преиспитаат и поцелосно да ја ценат способноста на Кина да учествува, па дури и да води во глобалниот технолошки натпревар, кој е зајакнат со вештачката интелигенција“, рече Лаура Ванг од „Морган Стенли“, коментирајќи ги резултатите на онлајн трговецот на мало.

Во другите делови на Азија, одекна веста на „Фајненшл тајмс“ дека јапонскиот „Нисан“ бил на мета на американската „Тесла“, откако преговорите со „Хонда“ не успеале. Дали сопственикот и советник на Трамп, Илон Маск, ќе инвестира во проблематичниот производител на возила? Акциите на „Нисан“ по веста за ваквата можност скокнаа за 11 отсто во денешното тргување во Азија.