.webp){kind=icon}
Азиските берзански индекси пораснаа по последните економски мерки што ги објави Кина. Тоа придонесе за смирување на нервозата додека се чека говорот на претседателот на Федералните резерви, Џереми Пауел, на симпозиумот на банкари од американските централни банки.
Акциите на азиските пазари пораснаа за 0,5 отсто, а за тоа придонесе и Јапонија. Тропската бура Ма-Он ги спречи трговците на берзата во Хонг Конг да го дадат својот максимум бидејќи берзата беше затворена поради екстремно лошите временски услови. Фјучерсите на САД се зголемија бидејќи S&P 500 и Nasdaq 100 го завршија денот со позитива.
Кина ја зголеми поддршката за економијата за 146 милијарди долари, со цел да се надмине кризата со пазарот на недвижнини и да се поттикне поголем економски раст. За забавување на економијата и намалување на интересот за недвижнини во Кина дојде поради новите ограничувања на движењето што го наметнаа локалните власти за да спречат поголемо ширење на Ковид. Но, секако дека свое влијание имаат и недостигот и поскапувањата на енергенсите.
Прочитај повеќе
Кина го објави пакетот мерки за поддршка на економијата
Пакетот мерки за помош на деловните субјекти е вреден скоро 43,7 милијарди долари, со што треба да се поттикне економскиот раст
24.08.2022
Купи сега кога е поевтино, ќе биде поскапо: Ама што?
Историски гледано во криза има можности да се дојде до евтин капитал, најмногу акции од добри компании, а по пониски цени
25.08.2022
Светските индекси на најниско ниво месецов
Глобалните акции вчера паднаа на најниско ниво месецов, а државните обврзници беа со загуби
23.08.2022
Акциите на континенталниот дел остварија скромен раст, што е одраз на несигурноста дали најавените мерки ќе бидат доволни.
„Тешко е да се предизвика ентузијазам на пазарот додека не се покаже на дело вистински ефект од најавените политики за економски раст“, вели Марвин Чен, стратег на Блумберг Интелиџенс (Bloomberg Intelligence).
Загриженоста околу настапот на Пауел е со фокус на тоа дали после најавениот податок за забавување на економскиот раст Федералните резерви (ФЕД) ќе реагираат со заострување на монетарната политика.
Државните обврзници беа во пад но, двегодишниот принос остана на околу 3,4 отсто.
Банкарите од ФЕД во пресрет на симпозиумот беа јасни дека очекуваат заострување, што придонесе да се забави заздравувањето на пазарот на капитал, процес кој што започна на средината од јуни. Прашањето е дали акциите ќе продолжат да се движат во таа насока до крајот на годината.
Во Европа цените на природниот гас повторно пораснаа, со што се интензивира енергетската криза, која се заканува на економијата во еврозоната и влијае на глобалните економски очекувања.
