Азиските акции утрово пораснаа, поттикнати од технолошкиот сектор, а доларот е стабилен пред говорот на претседателот на Федералните резерви (ФЕД), Џером Пауел, кој се очекува да даде насоки за тоа како ќе изгледа монетарната политика во блиска иднина.
Берзанските индекси во азиско-пацифичкиот регион достигнаа неделен рекорд, а најголема улога имаше тргувањето со технолошки акции во Јапонија и Хонгконг. S&P 500 порасна за 1,41 отсто, а Nasdaq 100 за 1,8 отсто. Европските акции пораснаа за околу 0,5 отсто.
Берзата во Хонгконг профитира поради наводниот напредок во преговорите за кинеските акции да се задржат на американските берзи. Напорите на Пекинг да ја стимулира кинеската економија имаа позитивен ефект врз расположението на инвеститорите.
Прочитај повеќе
Банкарите од ФЕД се согласни за ново зголемување на каматните стапки
ФЕД забрзано ги зголемува каматите со цел да го скроти најбрзиот раст на цени во последните 40 години
25.08.2022
Европските берзански индекси го завршија денот во „благо зелено“
Иако флуктуираа од благ минус до благ плус, сепак најважните европски индекси завршија со позитива
25.08.2022
Во меѓувреме, претставниците на ФЕД кои се собраа на конференцијата во Џексон Хол во Вајоминг пред симпозиумот, дадоа изјави кои навестуваат натамошно агресивно заострување на монетарната политика. Џером Пауел се очекува во својот говор да повтори дека ФЕД брзо ќе ги зголеми каматните стапки за да се бори против високата инфлација.
Bloomberg
Обврзниците беа во пад, при што приносот на 10-годишната американска обврзница падна на 3,05 отсто. Нафтата се движеше околу 93 долари за барел, а вредноста на златото и биткоинот падна. Еврото беше на ниво од 0,9972 долари.
Сигнали од ФЕД
Пазарот на обврзници е поделен околу тоа дали ФЕД ќе ја зголеми референтната каматна стапка за 50 или 75 базични поени во септември.
Џексон Хол не мора да биде негативен шок за пазарот бидејќи се очекува агресивната политика да продолжи, а изложеноста е сè уште ниска, рече Денис ДеБусшер, основач на 22V Research. „Мислевме дека ќе има пазарна корекција пред Џексон Хол и тоа главно се случи“, посочи тој.
Податоците за економскиот раст на САД во првата половина од годината поттикнаа дискусии за вистинската состојба на американската економија и за рецесијата.
.webp){kind=icon}
