Компанијата „Свод Мастер“, која управува со стриминг платформата „Глеј“ го објави проспектот за иницијалната јавна понуда на акции преку која ќе се обиде да собере 120 милиони денари (1,95 милиони евра).
Според основните информации, бројот на акциите што се запишуваат е 200.000, продажната цена на една акција е 600 денари, иницијален датум на запишување е 25.06.2025 година, а последен датум за запишување е 25.08.2025 година. Јавната понуда ќе биде преку модел на минимална цена со примена на принципот на приоритет на налози со повисока цена и порано време на внес на налогот во БЕСТ системот.
„Блумберг Адрија“ веќе пишуваше дека Комисијата за хартии од вредност неодамна соопшти дека одобрила компанијата да издаде втора емисија на хартии од вредност по пат на јавна понуда, а заради зголемување на основната главнина.
Прочитај повеќе
Сопствениците на платформата „Глеј“ ќе бараат 1,9 милиони евра преку ИПО
КХВсоопшти дека одобрила компанијата „Свод Мастер“ да издаде втора емисија на хартии од вредност по пат на јавна понуда, а заради зголемување на основната главнина.
30.05.2025
Во игра неколку компании: Ќе сведочиме ли на трка за првата ИПО во Македонија?
Од Македонска берза велат дека во моментов постои интерес за ИПО кај неколку компании, со кои веќе имале почетни билатерални контакти.
05.02.2025
„Глеј“ со јавна понуда на акции ќе бара инвеститори преку берзата
Процесот за подготовка на друштвото за котирање на берзата почнал во текот на 2024 година со трансформација на „СВОД МАСТЕР ДОО “ во акционерско друштво.
29.01.2025
Реклама на стриминг-платформи: Каде се македонските компании?
Стриминг-платформите веќе не се натпреваруваат само за претплатници туку и за да придобијат што е можно поголем број компании што ќе се рекламираат кај нив.
17.01.2025
Исто така, пишувавме дека Собранието на „Свод Мастер“ на 22 јануари 2025 година, донело одлука да емитува иницијална јавна понуда на акции преку Македонска берза.
„Ова ќе биде и првата ИПО на домашната берза од компанија, која преку постојано унапредување и развој на дигиталните услуги, ја задржува својата висока конкурентност на пазар кој глобално бележи раст“, соопшти тогаш компанијата.
Оттаму додадоа дека растот на стриминг платформите во светот е рапиден, како и нивниот развој со нови решенија со што постојано привлекуваат нови инвестиции, како и дека излегувањето на „Глеј“ на берзата претставува можност за поддршка на првата и единствена македонска платформа која постојано иновира и покажува растечки потенцијал. Процесот за подготовка на друштвото за котирање на берзата почнал во текот на 2024 година со трансформација на „Свод Мастер ДОО “ во акционерско друштво.
„Во изминатите, речиси повеќе од три години, преку континуиран раст успеавме да влеземе во повеќе од 80.000 домови, ја обединивме речиси цела македонска филмска и сериска програмска понуда, понудивме многу детски наслови синхронизирани на мајчин јазик и воспоставивме широка покриеност на уреди преку кои може да се пристапи до програмскиот каталог на ‚Глеј‘, кој брои над 2.600 часови програма“, соопшти Дарко Перушески, извршен директор на „Свод Мастер АД“.
.webp){kind=icon}
