text size
Берзите се на рекордни нивоа, активноста на страницата „Волстрит бетс“ (WallStreetBets) на Редит експлодира, а малите инвеститори масовно вложуваат во евтини акции. Но ова не е 2021 година – овој пат во центарот на вниманието се ОТ (Opendoor Technologies) и „Колс“ (Kohl’s), наместо „Гејмстоп“ (GameStop), АМЦ (AMC) или банкротираната БББ (Bed Bath & Beyond).
Сличностите се очигледни: инвеститори аматери повторно се фокусираат на силно „шортувани“ акции со ниски цени, надевајќи се на брза добивка. И како и тогаш, тоа доаѓа во време на пазарна еуфорија – S&P 500 е на рекорд, биткоинот е двојно поскап за помалку од година, а компаниите SPAC повторно се во мода.
„Гледаме бран на вложувања во слаби акции“, вели Стив Сосник од ИБ (Interactive Brokers). „Почетниот раст го водеа инвестиции во големи компании, но сега инвеститорите преминуваат кон поризични облози“.
Но, за разлика од времето на пандемијата, кога симулациите и заклучувањата ги поддржуваа инвестициите, сега контекстот е потежок: цените се високи, пазарот на недвижности е тешко достапен, а враќањето на студентските долгови го притиска домашниот буџет.
Во меѓувреме, постојат и многу алтернативи – од спортско обложување до крипто и предвидувачки пазари како „Калши“ (Kalshi). И покрај тоа, и професионалците и аматерите се во полн „режим на ризик“, што поттикнува страв од нов меур.
„Постои преклоп помеѓу крипто и мем-акциите“, вели Мајкл О’Рурк од ЏТ (JonesTrading). „Многу компании преминуваат во дигитални бизниси, а таа возбуда се прелева на берзата“.
Економија на страв од пропуштање и зголемен ризик
Индексот S&P 500 достигна нов рекорд, биткоинот се движи околу 120.000 долари, а берзанскиот фонд на Кејти Вуд (ARKK) е зголемен за 34 отсто годинава. SPAC-компаниите имаат најактивна година по 2021-та.
На страницата „Волстрит бетс“ на Редит (Reddit), „Колс“ и ОТ се најспомнувани. „Колс“ порасна 38 отсто, а ОТ падна 10 отсто по шестдневен раст од над 300 отсто.
Малите инвеститори сега сочинуваат над 20 отсто од целокупниот трговски обем во САД. Акциите под 5 долари претставуваат над 26 отсто од вкупната трговија, според „Џефрис“ (Jefferies).
Иднината е неизвесна
Разликата сега е во условите: пазарот на трудот е послаб, каматите повисоки, а стимулациите ги нема. Некои аналитичари очекуваат дека оваа мемманија ќе згасне побрзо.
Сепак, позитивната динамика, особено по паузата на царините што ги најави Трамп, ја поттикна повторната доверба. Пазарот забележа историски брзо закрепнување.
„Ова личи на 1998-та – турбулентна но силна пазарна година“, вели Мајкл Арон од СС (State Street). „Затоа сум – со доза на претпазливост – оптимист за 2025 година“, додава тој.
.webp){kind=icon}
