.webp){kind=icon}
Денеска е отворен ден на тргување на Македонска берза, а иницијативата „Инвеститорски ден“ се одржува трета година по ред. Во гостување на Блумберг Адриа ТВ Каролина Каровска Божиновска од Македонска берза зборува за правилата на тргување на отворениот берзански ден.
„На овој ден инвеститорите, односно физичките лица ќе можат бесплатно, односно без провизиите кои што ги плаќаат овластените пазарни учесници, да тргуваат, да купуваат и продаваат акции во вредност од 10.000 евра преку системот на берзата, без разлика на бројот на трансакции преку кои ќе биде остварен тој промет“, објаснува Каровска Божиновска.
Целта на ваквата иницијатива на Македонска берза е физичките лица да се запознаат со предностите на пазарот на капитал и да се поттикнат и мотивираат што повеќе од нив да станат инвеститори на берзата.
За тоа колкав промет се очекува од денешното берзанско тргување и дали бесплатниот ден може да го искористат и постоечките инвеститори, погледнете го целиот разговор на Блумберг Адриа ТВ со претставничката на Македонска берза Каролина Каровска Божиновска.
