.webp){kind=icon}
Падот на криптовалутите на почетокот на неделава го доведе биткоинот на работ на најниското ниво од 2020 година, непосредно пред глобалниот бран на монетарно затегнување што се очекува неделава да се прошири од Европа во САД.
Најголемиот дигитален токен потона за дури 6,7 отсто за да се тргува за 18.500 долари во 7:10 часот во Лондон. Етер ослабе на 6,2 отсто, борејќи се да ја задржи границата од 1.300 долари. Токените како што се XRP и Polkadot забележаа поголеми загуби.
Инвеститорите се подготвуваат за нестабилност од огромното зголемување на каматните стапки што се очекува неделава од страна на Федералните резерви (ФЕД) во САД за борба против ценовните притисоци. Фјучерсите на американските акции беа во минус, а доларот порасна во знак на пазарна внимателност.
XBTEUR:CUR
XBT-EUR Cross Rate
18.479,55 EUR
-1.239,95 -6,29%
почетна цена
19.721,77
претходна цена на затворање
19.719,5
промена од почетокот на годината
-54,5892%
дневен опсег
18.362,09 - 19.737,29
опсег на 52 недели
17.802,47 - 59.612,94
Атмосферата на глобалните пазари е таква што „во ова инфлаторно опкружување, макроекономската слика надвладува сè“, напиша во белешка Антони Тренчев, партнер во крипто-заемодавачот Nexo.
Скокот на етер што започна кон средината на јуни и беше поттикнат од возбудата околу надградбата на блокчејнот „Етериум“ (Ethereum), брзо се смирува откако обновата беше реализирана.
Од друга страна, извештајот дека Ripple Labs Inc. и Комисијата за хартии од вредност на САД бараат итна пресуда во тужбата во врска со токенот XRP поврзан со Ripple, го доведе токенот до загуба од дури 13,5 отсто. SEC тврди дека Ripple бил „невнимателен“ во своите тврдења дека XRP не е регулирана хартија од вредност.
