Криптопазарот со месеци е во мечкина дупка и биткоинот падна од нивото од речиси 70.000 долари минатата година на сегашните 17.000, а ситуацијата неодамна дополнително се влоши со колапсот на криптоберзата ФТХ (FTX).
Имено, криптовалутите во последно време се под притисок поради банкротот на таа берза, додека секојдневно излегуваат информации дека управувањето во споменатата компанија било во најмала рака несоодветно. Кризата се прелева во индустријата, па криптозаемодавецот „БлокФи“ (BlockFi) неодамна поднесе барање за стечај.
Главниот аналитичар на „Блумберг Адрија“, Андреј Кнез, вели дека довербата на инвеститорите во моментот е разнишана, но не во драстична мера. „Ако следиме како се движат нето-приливите и нето-одливите во фондовите што управуваат со криптосредствата во светот, можеме да видиме благи одливи во ноември, но, историски гледано, тоа не е ништо страшно“.
Од друга страна, кога се гледа вкупната актива на тие фондови - се гледа дека тие се намалуваат, главно поради падот на вредноста на самите средства.
Сепак, како што посочи Кнез, вредноста на биткоинот и сличните криптовалути дневно се менува четири пати повеќе од вредноста на американските акции. А имало и периоди кога тој сооднос бил многу поголем - и до 15 пати повеќе.
„Барем во текот на следните неколку месеци може да се очекува дека криптовалутите ќе задржат широк опсег“, вели аналитичарот. За биткоинот, тој опсег е помеѓу 10.000 и 20.000 долари.
Целото интервју погледнете го во видеото.
.webp){kind=icon}
