.webp){kind=icon}
Биткоинот е на праг да го оствари својот најдобар јануари од 2013 година поради облозите дека монетарното затегнување и кризата во криптосекторот опаѓаат. Најголемиот токен се зголеми за 40 проценти од почетокот на годината, а добивка во првиот месец од годината регистрирал само двапати претходно кога условите биле поволни. Некои од помалите монети ја удвоија својата вредност, како дел од зголемувањето на дигиталните средства во јануари од 280 милијарди долари во целина, покажуваат бројките на „Коингеко“ (CoinGecko).
Утрово биткоинот се повлече за 2,5 проценти, на 23.200 долари, главно поради големиот пад на ризичните средства. Закрепнувањето од минатогодишниот длабок пад е дел од поширокото заживување на апетитот за ризик поради очекувањата дека централните банки ќе го забават зголемувањето на каматните стапки и можеби дури и ќе ги намалат трошоците за задолжување подоцна оваа година, бидејќи високата инфлација ќе биде умерена.
Bloomberg Mercury
Порастот на виртуелните монети ги надмина последиците од колапсот на берзата ФТХ (FTX) на Сем Банкмен-Фрид, како и банкротот на криптозаемодавецот „Генезис“ (Genesis Global Holdco LLC) и низата отпуштања низ индустријата.
„Јануари се чини како месец на нови почетоци, со поголема јасност во однос на стечајните постапки, корпоративните реструктурирања и пазарните основи што укажуваат на тоа дека дното е зад нас“, напиша Ноел Ачесон, автор на билтенот „Крипто сега е макро“. Сепак, има многу скептици што се сомневаат дека закрепнувањето на криптото и технолошките акции ќе потрае. Еден од ризиците е веројатноста за меко економско слетување, на кое се надеваат пазарите, бидејќи каматните стапки и натаму мора да останат повисоки, и тоа подолго време.
Bloomberg Mercury
„Враќањето на шпекулативните средства најверојатно ќе се промени ако нафтата порасне, а платите и растот на потрошувачките цени привремено го променат наративот за меко приземјување во наредните недели“, изјавија минатата недела стратезите од „Бенк оф Америка“ (Bank of America Corp), предводени од Мајкл Хартнет.
Претседателот на Федералните резерви, Џереми Пауел, исто така може да ги потсети инвеститорите дека надлежните планираат да ги задржат стапките покачени уште некое време. Тој би требало да одржи говор по очекуваното намалување на зголемувањето на каматните стапки на половина бод во текот на оваа недела.
