.webp){kind=icon}
Биткоинот се движи блиску до највисокото ниво од август, бидејќи инвеститорите ги прифатија коментарите на претседателот на Федералните резерви (ФЕД), Џереми Пауел, за напредокот на инфлацијата како знак дека претстои помалку сурова заднина на монетарната политика.
Најголемиот токен порасна дури за 2,4 проценти пред да намали дел од добивката и утрово на берзата во Лондон да се тргува за 23.880 долари. Помалите токени, исто така, напредуваа, вклучувајќи и раст од 2,5 проценти за етерот. Мерачот на топ 100 најдобрите дигитални монети во 2023 година е зголемен за 37 отсто.
Bloomberg Mercury
Голем број инвестиции, од акции до обврзници и крипто, се зголемија откако Пауел рече дека процесот на дезинфлација е во тек. Тој не возврати агресивно на релито на глобалните пазари оваа година. што ги олабави финансиските услови и може да го отежне ублажувањето на ценовните притисоци.
Пауел зборуваше откако ФЕД го намали зголемување на каматните стапки за четвртина поен, како што беше предвидено. Тој рече дека креаторите на политиката очекуваат да испорачаат уште неколку зголемувања на стапките пред да ја стават во мирување нивната агресивна кампања за заострување на монетарната политика.
„Криптовалутите растат поради расположението поврзано со ризикот по лабавите коментари од ФЕД“, рече Циси Лу, основачка на „Вен линк партнерс“ (Venn Link Partners) и советничка за блокчејн. Таа додаде дека открила повеќе купувања од институционални клиенти во последните недели.
Дигиталните средства закрепнуваат од големите загуби минатата година, период што е обележан со падови и колапси, како тој на берзата ФТХ (FTX).
„Употребата, усвојувањето и иновациите остануваат многу попозитивна слика отколку што тоа го одразуваат цените и расположението на инвеститорите“, рече Ричард Галвин, коосновач на фондот за управување „Диџитал асет капитал“ (Digital Asset Capital Management). Галвин рече дека не е убеден оти криптото ќе остане во висока корелација со макропејзажот, тврдејќи дека двигателите, кои се специфични за секторот, ќе имаат поголемо влијание.
Дигиталните средства се ранливи и на какви било знаци дека трошоците за позајмување мора да бидат повисоки подолго време доколку инфлацијата се покаже леплива.
Bloomberg Mercury
Аналитичарите на графиконите го истакнаа нивото од околу 25.000 долари како зона каде што биткоинот може да пропадне. Пример е Марк Њутн, раководител за техничката стратегија во „Фондстрат“ (Fundstrat), кој означи 25.200 долари како област на потенцијален отпор.
Засега виртуелните средства имаат ветар во своите едра благодарение на позитивните толкувања на пораките на ФЕД. Помалите токени денеска се меѓу најдобрите на пазарот.
