Страв, неизвесност и сомнежи во однос на биткоинот

Понеделникот беше одбележан со голем пад на криптосредствата. Главната и водечка криптовалута, биткоинот, е во пад за повеќе од пет проценти на дневно ниво. Пратејќи го овој пад, вкупната пазарна капитализација на криптовалутите реагираше со пад од 4,67 отсто.

Coinmarketcap

Иако оваа календарска година се отвори исклучително поволно, особено во поглед на биткоинот, деновиве има зголемување на стравот, неизвесноста и сомнежот околу токенот. Една од главните причини за стравот и падот на цената на водечката криптовалута е одливот на 117.359 биткоини од берзата „Бајненс“ (Binance). Не долго потоа, беше забележан уште еден одлив од 40.184 биткоини. Овие трансакции наведоа многу шпекуланти да веруваат дека  „Бајненс“ можеби ги продава своите биткоини. Сепак, по подетална анализа, поверојатно е дека токените биле префрлени во ладниот паричник (анг. cold wallet) на „Бајненс“.

Сепак, понатамошниот развој на ситуацијата откри дека „Бајненс“ привремено ги оневозможил корисниците да повлекуваат биткоини. Според нивниот официјален налог на Твитер, повлекувањата се откажани поради големиот обем трансакции кои се на чекање.

Иако Пепе коин (PEPE) забележа голем скок, мем токените се многу нестабилни. Пазарот, би можело да се каже, реагираше очекувано, па монетата Пепе падна за 36 отсто на дневно ниво, со што се избришаа скоковите на цената.

Во моментов нема коментари за веста. Биди прв да коментира...

Остави коментар