.webp){kind=icon}
„Старбакс“ (Starbucks), американската компанија со повеќе од 24.000 локации низ светот, издаде нова колекција на незаменливи токени (НФТ/NFT). Официјалната продажба започна на 14 јули годинава.
Околу 2.000 колекционери купиле 3.357 парчиња од колекцијата „Зелена престилка“ (The Green Apron) на „Старбакс“. Во моментов се достапни 257 токени. Нивната најниска цена е 120 долари, што е за 20 отсто повеќе од почетната продажна цена од 100 долари.
Колекцијата е инспирирана од работните униформи на „Старбакс“ што ги носат нивните бармени, а имаше 5.000 парчиња за продажба на пазарот „Нифти гејтвеј“ (Nifty Gateway NFT) на мрежата „Полигон“ (Polygon).
Страницата за продажба на незаменливи токени
Колекцијата на НФТ на „Старбакс“ покажува отпорност на опаѓање на цената на криптосредствата. Во изминатите 90 дена, најпопуларните незаменливи токени Борд ејп (Bored Ape Yacht Club), Мутант ејп (Mutant Ape Yacht Club), Мибитс (Meebits) и Дудл (Doodle) забележаа пад од над 40 отсто, според податоците на НФТ Прајс флор (NFT Price Floor). Во опаѓање е и обемот на тргување на незаменливи токени. Вкупниот неделен обем на сите пазари беше помалку од 17 милиони долари, што е многу под нивото забележано на почетокот на годината, кога обемот надмина 50 милиони долари.
Кога станува збор за цената на акциите на „Старбакс“, од почетокот на календарската година е забележан раст од 1,43 отсто.
Во претходните пет години цената на нивните акции се зголеми речиси двојно - порасна за 95,76 отсто. Дополнително, „Старбакс“ издава редовна дивиденда од 2,07 проценти годишно, при што исплатата на дивидендата се врши секој квартал, што моментно изнесува 0,53 долари по акција.
