.webp){kind=icon}
Повеќегодишна вежба секогаш кога одредено средство е заглавено во продолжено и длабоко паѓање е следнава: луѓето ги гледаат графиконите, го селдат овој или оној индикатор и списоците за проверка со цел да се обидат да дознаат кога тоа ќе го допре доното. За биткоинот, има многу такви активности кои се случуваат во моментот, со технички сигнали кои во минатото сугерираа токму таква формација.
Аналитичарите во „Гласнод“ (Glassnode) следат голем број мерачи - од случаите кога биткоинот се спушта под подвижниот просек, до ситуации кога се затвора под таканаречената мерка за рамнотежна цена, што ја одразува пазарната цена која одговара на вредноста платена за токените минус остварената вредност на крајот. Она што сега го гледаат е дека многу од овие мерки трепкаат на сличен начин, нешто што ретко се случува.
Во текот на последните пет години, велат аналитичарите, имало само шест други слични појаси, од кои некои се совпаднале со падовите на пазарот, како во ноември 2018 и март 2020 година. Но, дали овој пат може да го докаже спротивното?
„Случајот за дното на биткоинот е заснован на забележлива доминација на силни инвеститори, историски значајни ниски падови на бројни макро осцилатори и силно спојување со цените што лебдат на впечатлива оддалеченост од неколку модели на цени на пазарот на мечка“, пишуваат аналитичарите на Glassnode. „Сепак, дали овие „ходлери“ (HODLers) можат да ја држат линијата?“
Bloomberg
Биткоинот во четвртокот затвори еден од најлошите квартали во историјата, намалувајќи 60 отсто од вредноста во периодот април-јуни. Токенот до петокот изгуби 70 отсто во вредноста од највисокото ниво во ноември. Во ова опкружување, активноста за тргување со биткоин е значително намалена, според „Аркејн рисрч“ (Arcane Research). Во меѓувреме, средствата под управување за крипто-инвестициски производи во јуни достигнаа рекордно ниско ниво, при што ETF доживеаја најголем пад - таа категорија забележа пад од повеќе од 50 отсто до 1,3 милијарди долари, според „Крипто компер“ (CryptoCompare).
Биткоинот утрово напредуваше за 2,9 отсто во Европа, пробивајќи се над нивото од 20.000 долари.
За одговорни треба да се сметаат вообичаените виновници: Федералните резерви кои настојуваат да ги подигнат каматните стапки за да ја намалат инфлацијата, дури и ако тоа ја повреди економијата; распродажбата на повеќе класи на средства и влошувањето на расположението; и растечката листа на крипто фирми, заемодавци и хеџ-фондови осакатени од падот. Ден Морхед од „Пантера капитал“ (Pantera Capital) неодамна изјави дека најверојатно ќе има повеќе големи колапси во наредните месеци.
Рос Мејфилд, аналитичар за инвестициска стратегија во „Берд“ (Baird), вели дека голем дел од болката веќе е втемелен во цената на крипто, или во најмала рака на биткоинот. „Но, тоа не значи дека не може да оди многу пониско во блиска иднина, бидејќи ФЕД ќе продолжи да ги зголемува каматните стапки и ако влеземе во рецесија, ќе има уште помалку апетит за високо ризични и шпекулативни средства. Дефинитивно се соочува со предизвикувачко опкружување понатаму“, објаснува тој.
Активноста на синџирот има тенденција да биде висока за време на пазарите на бик и дополнително се зголемува за време на пазарните падови додека учесниците се обидуваат да ги симнат своите позиции, според Arcane Research. Кога цената се стабилизира на ниско ниво, таквата активност тогаш исто така има тенденција да опаѓа. „Се чини дека сме во таков период во моментот“, напиша во белешка Јаран Мелеруд од компанијата. „Блокчејнот на биткоинот премина во режим на хибернација бидејќи крипто зимата го означи своето присуство“, додава тој.
Еден позитивен знак: Брет Манстер од „Блокфорс капитал“ (Blockforce Capital) истакнува дека обично за време на мечкини пазари, токените се вадат „од ладилник“ и се депонираат назад на берзите, што може да укаже на намера за продажба. Во моментот, тоа не е случај.
„Освен околу 80.000 токени кои беа исфрлени на пазарот од фондацијата Луна во неуспешен обид да се одбрани UST, ние продолживме да гледаме постојан проток на биткоин надвор од берзите, ставен на долгорочна акумулација“, напиша Манстер. Покрај тоа, меѓу другите случувања расте и бројот на паричници со количини на биткоин над нулата.
„За разлика од 2018 година, кога побарувачката за биткоин опадна за време на тој пад на цената, денес нема знаци на забавување на усвојувањето“, вели тој, додавајќи: „И покрај неодамнешниот пад на цените, основите на биткоинот се веројатно посилни сега од кога било претходно во неговата историја“.
