.webp){kind=icon}
Биткоинот доживеа нагло опаѓање кое ги поништи поголемиот дел од добивките направени во последните триесет дена.
Токенот падна под 41.000 долари во одредени моменти, губејќи до 3.000 долари во вредност за само два часа. Забележан е пад на најниско ниво од 40.700 долари од тогашниот максимум од 45.600 долари, со стабилизација на 42.300 долари.
Сето ова се случува на 15-годишнината од денот на „битието“ (Genesis), кога беше ископан првиот блок во блокчејнот.
Прочитај повеќе
Биткоинот колеблив додека трговците го разгледуваат влијанието на ЕТФ
Биткоинот порасна за 157 проценти годинава, делумно поттикнат од облозите дека ЕТФ ќе поттикнат нова побарувачка.
27.12.2023
Ќе го пробие ли биткоинот плафонот во 2024-та?
Доколку се тргне од тоа како стојат работите на крајот од годината, може да се заклучи дека оваа класа на средства жилаво им одолева на предизвиците.
29.12.2023
Што е преполовување на биткоинот и дали овој феномен ја зголемува цената?
Биткоинот е познат по тоа дека е склон кон ненадејни скокови на цените и брзи промени кои можат да збришат милиони долари во вредност за само неколку минути.
17.12.2023
Сè што треба да знаете за биткоинот откако вредноста надмина 40.000 долари
Биткоинот годинава порасна за повеќе од 140 проценти, надминувајќи ги другите инвестиции, како акции и злато.
04.12.2023
Остриот пад на цената на водечката криптовалута дојде откако дигиталната финансиска платформа „Матрикспорт“ (Matrixport) ја повлече својата неодамнешна прогноза дека американската Комисија за хартии од вредност (SEC) потенцијално би можела да ги одобри првите биткоин фондови за тргување на берза (анг. exchange-traded fund / ETF) во јануари 2024 година.
Со првиот ден од оваа година, во објава на X, „Матрикспорт“ го изрази своето верување дека биткоинот ќе се порасне на 50.000 долари, поттикнат од фактори како што се „тековното одобрување на биткоин спот ЕТФ фондови“. Компанијата, исто така, изјави дека одобрувањето на овие фондови може да биде објавено уште порано отколку што очекуваат повеќето трговци, имено на 8, 9 или 10 јануари. Таа промена во прогнозата најверојатно придонесе за ненадеен и значителен пад на вредноста на биткоинот.
XBTEUR:CUR
XBT-EUR Cross Rate
39.429,76 EUR
+95,23 +0,24%
почетна цена
39.349,02
претходна цена на затворање
39.334,53
промена од почетокот на годината
3,6225%
дневен опсег
38.993,76 - 39.635,75
опсег на 52 недели
15.801,74 - 41.888,10
Големиот пресврт се случи на 2 јануари кога „Матрикспорт“ ја ажурираше својата прогноза тврдејќи дека SEC ќе ги отфрли сите апликации за биткоин спот ЕТФ фондови во јануари и дека одобрението за нив нема да дојде до вториот квартал годинава. Неочекуваната промена на ставот на „Матрикспорт“ предизвика бурни реакции во криптозаедницата, при што многумина ја обвинија компанијата за манипулирање со цената на биткоинот.
За уште поголеми компликации, други аналитичари се убедени дека остриот пад на вредноста на биткоинот од 4.000 долари за краток временски период не е резултат на паниката предизвикана од очекувањата за отфрлање на ЕТФ фондовите од страна на регулаторот.
И покрај влијанието на извештајот на пазарот, „Матрикспорт“ не обезбеди конкретни докази за да го поддржи тврдењето дека дебито на ЕТФ фондовите гарантирано ќе пропадне. Официјалниот рок за одобрување од SEC започнува на 4 јануари и трае до 10 јануари.
Некои аналитичари, вклучително и трговецот Скот Мелкер и адвокатот фокусиран на крипт Џо Карласаре, изразија скептицизам во врска со тврдењето за поврзаност помеѓу извештајот за ЕТФ фондовите и продажбата на биткоинот. Карласаре нагласи дека однесувањето на пазарот, вклучително и ликвидациите, не се невообичаени во стандардниот „биковски“ пазар на биткоинот.
Сепак, како што веќе беше споменато, официјалниот временски рок за реакција на SEC се очекува во текот на следната недела, но фактот дека се изгубени големи суми е непобитен.
