.webp){kind=icon}
Врховниот суд на Црна Гора ја одобри екстрадицијата на крипто-претприемачот До Квон, кого САД и Јужна Кореја го бараат под обвинение за измама.
Министерот за правда ќе ја донесе конечната одлука во која земја да го екстрадира Квон, објави судот на својата веб-страница во петокот. Телефонскиот повик до Министерството за правда остана без одговор.
Во интервјуто во четвртокот за „ТВ Вијести“, министерот за правда Андреј Миловиќ одби да открие каде планира да го испрати Квон. Тој, сепак, даде навестување за неговите намери.
„САД се наш главен партнер во надворешната политика, сакаме да потпишеме билатерален договор за екстрадиција што е можно поскоро за да можеме да имаме правна рамка за идни екстрадиции“, рече тој за телевизијата.
Ко-основачот на „Тераформ лабс“ ( Terraform Labs) и нејзиниот поранешен главен финансиски директор Хан Чанг-Џун беа фатени на аеродромот во главниот град на Црна Гора, Подгорица во март, кога се обидоа да се качат на приватен авион за да полетаат за Дубаи по неколку месеци како бегалци. Тие се осудени на четири месеци затвор бидејќи патувале со фалсификувани документи. И двајцата се изјаснија за невини.
Квон беше обвинет од американските обвинители за организирање на долгогодишна измама со криптовалути која збриша пазарна вредност од најмалку 40 милијарди долари по уривањето во мај 2022 година на „ТерраУСД“ (TerraUSD), алгоритамска стабилна валута. Тој се соочува со слични обвиненија во Јужна Кореја.
Колапсот на „ТерраУСД“ и неговиот сестрински токен „Луна“ забрза поширок пад од два трилиони долари на крипто пазарот. Официјални лица во Јужна Кореја рекоа дека проектот „Терра“ со кој Квон помогна да се создаде „измислица“ од самиот почеток
