Биткоинот надмина 41.000 долари додека најголемото дигитално средство го продолжи закрепнувањето во 2023 година поради очекувањата за намалување на каматните стапки и изгледите за поголема побарувачка од секторот на берзанските фондови.
Токенот се зголеми дури за 5,1 отсто, за да достигне 41.746 долари, а беше малку под тоа ниво заклучно со 6.30 часот во понеделникот во Лондон, зголемувајќи го својот скок во 2023 година на 152 отсто. Биткоинот последен пат беше на такви нивоа во април 2022 година, пред колапсот на стабилниот коин TerraUSD, што придонесе за пад на дигиталните средства од два трилиони долари.
Помалите токени, како што се етер и омилениот доџкоин на меме-фановите, исто така се позиционираа повисоко. Мерачот на најголемите 100 криптовалути забележа раст од над четири отсто.
Инвеститорите се сè поубедени дека Федералните резерви завршуваат со зголемување на каматните стапки додека инфлацијата се лади, насочувајќи го фокусот кон можниот степен на намалување на референтните трошоци за задолжување следната година. Променетите изгледи поттикна раст на светските пазари.
Криптоиндустријата исто така го чека исходот од апликациите како што е онаа на „Блекрок“ (BlackRock Inc.) за почеток на првиот американски Bitcoin ETF (ЕТФ). „Блумберг интелиџенс“ очекува серија од овие производи да добијат одобрение од Комисијата за хартии од вредност до јануари.
XBTEUR:CUR
XBT-EUR Cross Rate
38.251,2 EUR
+2.600 +7,29%
почетна цена
36.322,52
претходна цена на затворање
35.651,2
промена од почетокот на годината
145,9367%
дневен опсег
36.288,25 - 38.367,77
опсег на 52 недели
15.336,48 - 38.367,77
„Биткоинот и натаму е поддржан од оптимизмот околу одобрувањето ЕТФ од страна на Комисијата за хартии од вредност и намалувањето на стапката на Фед во 2024 година“, напиша во белешка Тони Сајкамор, пазарен аналитичар во ИГ Австралија (IG Australia Pty). „Шемите на техничките графикони укажуваат на нивото од 42.330 долари како следна точка на која треба да се внимава“, додава тој.
Заживувањето на биткоинот од падот на криптото во 2022 година е во моменти кога Сем Банкмен-Фрид заврши зад решетки поради измама во FTX, а една од најпознатите криптоберзи Бајненс (Binance) и нејзиниот основач Чангпенг Жао добија обвиненија и големи казни.
Оптимистите тврдат дека притисокот за контрола на сомнителните практики и потенцијалните ЕТФ сигнализираат зреење на криптоиндустријата и потенцијал за поширока база на инвеститори.
Неодамнешните дејства „внесоа доверба кај инвеститорите“, вели Су Јен Чиа, коосновач на Азиската криптоалијанса (Asia Crypto Alliance). Биткоинот „добива ефект во традиционалните финансии како што бледнее можноста за нови зголемувања на стапките од страна на Фед“, додаде таа.
Ресетирање на облозите во однос на каматните стапки или неочекувани грчеви во однос на ЕТФ може да му попречат на биткоинот, додека некои технички показатели сугерираат дека растот на виртуелната валута е продолжен.
.webp){kind=icon}
