Пазарната капитализација на биткоинот достигна нов рекорд

Цената на биткоинот е на работ на највисоко ниво на сите времиња, а застапниците на криптовалутите возбудено чекаат да бидат сведоци на досега невидениот раст. Но, во однос на пазарната вредност, токенот веќе достигна рекорд.

Пазарната капитализација на биткоинот достигна 1,35 трилиони долари, што е нов рекорд од 1,28 трилиони долари во ноември 2021 година, според податоците на „Коин геко“ (CoinGeckо). Тоа, инаку, беше месецот кога криптовалутата се искачи на историскaта вредност од 68.991,85 долари.

Оттогаш понудата на биткоини се зголеми, туркајќи ја неговата капитализација на нова основа, додека во последните недели се одвиваше силен ценовен моментум. Највредното дигитално средство падна за еден отсто, на 66.928 долари, во 13.30 часот во Сингапур во вторникот, откако претходно достигна 68.804 долари.

Историски гледано, рекордната пазарна вредност „е посигурен показател за движењето на цените во смисла на почеток на нова пазарна фаза“, рече Дејвид Ловант, раководител на истражување во криптоброкерската куќа „Фалкон екс“ (FalconX), фокусирана на работа со институционални клиенти.

Побарувачката што доаѓа од новите американски биткоин ЕТФ фондови, како и претстојното намалување на понудата за изворната криптовалута, ги поттикнаа неодамнешните добивки. ЕТФ фондовите како оние на „Блекрок“ (BlackRock Inc.) и „Фиделити“ (Fidelity Investments) привлекоа повеќе од 7 милијарди долари нето-приливи од дебито на 11 јануари.

Шпекулативниот жар исто така се врати и пошироко во криптосферата, од облози со голема потпора на пазарите на деривати до двоцифрени добивки во текот на денот во секторот на меме токени. Тоа сугерира дека пазарот на дигитални средства е потенцијално ранлив на пресврт ако тековите на ЕТФ почнат да се намалуваат и оптимизмот се олади.

Во моментов нема коментари за веста. Биди прв да коментира...

Остави коментар