.webp){kind=icon}
Биткоинот за првпат надмина 71.000 долари, напредувајќи шести ден по ред, носејќи го годинашниот раст на речиси 70 отсто поради огромните приливи во фондовите со кои се тргува на берза (ЕТФ) во САД.
Изворната криптовалута скокна за цели 3,2 отсто, на 71.631,45 долари во понеделникот. Помалите токени како етер, солана и аваланџ исто така напредуваа.
Bloomberg
„Овој раст доаѓа по слабата азиска трговска сесија во која кратките позиции ја тестираа убеденоста на долгите - се чини дека долгите дадоа доста убедлив позитивен одговор“, рече Ричард Галвин, основач на австралиската инвестициска фирма фокусирана на крипто ДАЦМ (DACM).
Прочитај повеќе
Рекордите на биткоинот и на златото се неверојатен контраст за пазарите
Рекордно високите вредности што во вторникот ги достигнаа двете средства испраќаат мешани пораки за апетитот за ризик на глобалните пазари.
06.03.2024
Биткоинот стигна до нов рекорд, надмина 69.000 долари
Интересот за новите биткоин ЕТФ фондови и намалувањето на понудата за токенот поттикнуваат неверојатно враќање на изворната криптовалута.
05.03.2024
Како да инвестирате во биткоин ЕТФ?
ЕТФ е кошница од хартии од вредност што следи одреден индекс или средство.
05.03.2024
Инвеститорите вложија нето-сума од речиси 10 милијарди долари во серија нови биткоин ЕТФ-ови откако беа лансирани во САД пред два месеца, предизвикувајќи широк раст на криптопазарите.
Дигиталните средства постигнаа уште една победа во понеделникот, бидејќи Лондонската берза потврди дека ќе прифати апликации за прием на белешки за тргување со биткоин и со етер.
