text size
Биткоинот првпат ја надмина вредноста од 111.000 долари, достигнувајќи рекордно ниво, бидејќи трговците се сè пооптимистични во поглед на иднината на оригиналната криптовалута поради зголемената побарувачка од институционалните инвеститори.
Биткоинот во четвртокот порасна дури за 3,3 отсто, достигнувајќи рекордни 111.878 долари, според податоците собрани од „Блумберг“ (Bloomberg). Пораснаа и криптовалутите со помала вредност, при што второпласираниот етер во еден момент беше во плус за околу 5,5 отсто.
Бран од оптимизам поттикна и усвојувањето на клучниот закон за стабилни криптовалути во Сенатот на САД, што ги засили надежите дека под администрацијата на претседателот Доналд Трамп – познат по својата наклонетост кон криптовалутите – ќе има поголема регулаторна јаснотија за компаниите што работат со дигитални средства. Растечката побарувачка од компанијата „Стратеџи“ (Strategy) на Мајкл Сејлор – која собра повеќе од 50 милијарди долари во биткоин – како и сè поголемиот број големи инвеститори во крипто дополнително го подгреаја растот на цената.
„Ова е бавен, но постојан подем кон нови рекорди“, изјави Џошуа Лим, еден од директорите за пазари во фирмата „Фалкон Х“ (FalconX Ltd). „Побарувачката за биткоин преку SPAC и PIPE-договори не стивнува, што се гледа и преку премијата во цените на ’Коинбејс’ (Coinbase)“.
XBTUSD:CUR
XBT-USD Cross Rate
111.408,06 USD
+3.125,61 +2,89%
почетна цена
108.282,45
претходна цена на затворање
108.282,45
промена од почетокот на годината
18,7937%
дневен опсег
107.990,92 - 111.878,26
опсег на 52 недели
52.598,86 - 111.878,26
Меѓу купувачите се голем број помалку познати компании со мала пазарна капитализација, како и јавни компании основани од истакнати личности од криптосветот, кои купуваат преку конвертибилни обврзници или преференцијални акции.
Фирма поврзана со КФ (Cantor Fitzgerald LP) соработува со издавачот на стабилни криптовалути ТХ (Tether Holdings SA) и „Софтбанк“ (SoftBank Group) во основањето на компанијата ТО (Twenty One Capital Inc.), која го имитира бизнис-моделот на „Стратеџи“. Подружница на СЕ (Strive Enterprises Inc.), која е кооснована од Вивек Рамасвами, се спојува со АЕ (Asset Entities Inc.), која е листирана на Nasdaq, за да формира фирма што ќе го користи биткоинот како главен дел од своите трезорски резерви.
„За разлика од претходните циклуси, овој раст не е исклучиво поттикнат од еуфорија на пазарот“, вели Џулија Жоу, оперативна директорка во „Каладан“ (Caladan). „Постои квантитативна основа – мерлива и постојана побарувачка, како и нарушувања во понудата“.
Биткоинот сè повеќе води пред поевтините криптовалути. Индексот што ги следи т.н. алткоини опадна за околу 40 отсто од почетокот на годината, додека биткоинот порасна за 17 отсто во 2025 година.
Поевтините криптовалути заостануваат зад биткоинот
Извор: Bloomberg
На пазарот на опции, трговците на почетокот на неделата зазедоа агресивни позиции за биткоин, при што опциите за 110.000, 120.000 и дури 300.000 долари со достасување на 27 јуни забележаа најголем отворен интерес (број на активни договори) на берзата за деривати Дерибит (Deribit).
.webp){kind=icon}
