„Еторо“ (eToro Group Ltd.) планира да лансира токенизирани верзии на акции што котираат на американската берза, овозможувајќи им на клиентите да тргуваат со акции во кое било време од денот. Иако од компанијата одбија да прецизираат кога ќе започне понудата, рекоа дека веројатно ќе почне прво во Европа.
Платформата за тргување и инвестирање ќе ги издава средствата како ERC20 токени на блокчејнот Етереум. Откако ќе биде пуштена во употреба, корисниците ќе можат да тргуваат со акции 24 часа на ден и да ги префрлаат токенизираните акции помеѓу дигиталните паричници на „Еторо“. Компанијата додаде дека наскоро ќе понуди тргување 24/5 со почетна листа од 100 акции и ЕТФ-ови што котираат на берзата во САД.
„Ова е навистина почеток на дигитални средства и токенизирани средства од реалниот свет“, рече Јони Асија, коосновач и извршен директор на „Еторо“, за време на вебинар што се одржа вчера. „Возбудени сме што повторно ја гледаме таа конвергенција помеѓу криптопаричникот на ‘Еторо’ и нашите клиенти, кои испраќаат и примаат криптосредства во светот на тргувањето со акции во рамки на ‘Еторо’“.
Прочитај повеќе
Токените на „Робинхуд“ за приватни акции привлекуваат инвеститори, но и критики
Два дена по дебито со споделување на токени на „Опен еј-ај“ во вредност од еден милион долари, компанијата ги предупреди клиентите на „Робинхуд“ да не ги купуваат хартиите од вредност.
14.07.2025
Банките со свој стабилен коин - можности и ризици
Банките размислуваат за свој влез во стабилните дигитални валути (англ. stablecoins) доколку предложената законска регулатива во САД помогне криптовалутите и поврзаните производи да станат дел од мејнстримот.
27.05.2025
„Еторо“ почна да им нуди криптовалути на американските корисници во 2019 година и сега поддржува повеќе од 50 дигитални средства на пазарот, вклучувајќи биткоин, етереум, стелар и кардано. Истата година „Еторо“ лансира и токенизирано злато и сребро за своите клиенти. Компанијата објави партнерство со „Си-ем-и груп“ (CME Group) за да понуди спот фјучерси што сега се достапни на одредени европски пазари. Се планира понатамошна глобална експанзија.
Планот за токенизирани акции следува по слична најава од конкурентот „Робинхуд“ (Robinhood Markets Inc.), кој рече дека ќе ги направи токенизираните американски хартии од вредност достапни за своите европски клиенти. Воведувањето брзо беше дочекано со скептицизам од регулаторите и предизвика критики од гигантот за вештачка интелигенција „Опен еј-ај“ (OpenAI) откако „Робинхуд“ го поврза лансирањето со споделување еден милион долари „токени“ на „Опен еј-ај“.
„Робинхуд“ со ситни букви открива дека токените се технички деривативни договори врзани за внатрешна процена на цената на основните акции на приватната компанија, но компанијата сè уште не ги одобрила.
„Овие ‘токени на Опен еј-ај’ не се капитал на ‘Опен еј-ај’“, напиша компанијата во објава од 2 јули на платформата на социјалната мрежа X. „Ние не соработувавме со ‘Робинхуд’, не бевме вклучени во ова и не го поддржуваме“.
— Текстот е напишан со помош од Пејџ Смит.
.webp){kind=icon}
Во моментов нема коментари за веста. Биди прв да коментира...