Криптовалутите тонат откако се избришаа 1,5 милијарда долари биковски облози

Трговците со криптовалути денеска забележаа ликвидација на повеќе од 1,5 милијарда долари во оптимистичките биковски облози на криптопазарот, предизвикувајќи нагла распродажба, а со тоа и остар пад, што најмногу ги погоди помалите токени.

Bloomberg Mercury

 

Етерот падна дури за девет проценти, на 4.075 долари, бидејќи беа ликвидирани речиси половина милијарда долари од долгите позиции со левериџ во вториот токен по големина, покажуваат податоците од „Коинглас“ (Coinglass).

Вредноста на биткоинот падна за речиси три проценти, на 111.998 долари.

Податоците покажуваат дека повеќе од 407.000 трговци се ликвидирани во период од 24 часа. Продажбата накратко ја повлече надолу вкупната капитализација на пазарот на дигитални средства, спуштајќи ја под четири билиони долари пред скромното закрепнување подоцна.