Трговците со крипто гледаат излез по двегодишниот минимум со тргување

Пазарот на криптовалути се соочува со некои појави, што би требало да помогнат тргувањето со дигитални валути да излезе од теснецот и најниското ниво за последните две години, на кое што е заглавено.

Врз основа на еден мерач, соодносот меѓу двата најголеми токени според пазарна вредност, биткоин и етер, е на највисоко рекордно ниво, дури и со цени паднати за повеќе од 50 отсто оваа година и кај двете валути.

"Луѓето мислат дека пазарот се стабилизирал и се подготвени да преземат поголеми ризици", рече Дариус Сит, коосновач на сингапурскиот крипто инвестициски фонд QCP Capital, кој истакна дека трговците кои ризикуваат повеќе, "добиваат цена."

 

Крипто трговците имаат тенденција да ги фаворизираат постојаните договори кои, за разлика од традиционалните фјучерси, немаат рок, што им овозможува далеку поголема предност кога станува збор за изборот за инвестирање.  

Биткоинот, кој сочинува околу 40 отсто од вкупната проценета пазарна вредност на сите криптовалули, се тргуваше минатата недела во опсег од околу 5,4 отсто, што е најтесно од октомври 2020 година според податоците составени од Блумберг. Затишјето пред две години беше проследено со неколкумесечно зголемување на цените, кои на крајот го притиснаа биткоинот до тогаш рекордно високо ниво, постигнато во април 2021 година.

Bloomberg Mercury

Криптовалутите стагнираат од јуни, кога срушените цени го колабираа Terra системот, што важеше за стабилен, тогаш се случи и пропаѓањето на хеџ фондот Three Arrows Capital и банкротирањето на крипто платформите Voyager Digital и Celsius Network.

 

Биткоинот утрово ја зголеми својата вредност за 1,3 отсто и се тргуваше по цена од 19.993 долари, додека етерот се зголеми за 3,9 отсто на 1.660 долари.

Во моментов нема коментари за веста. Биди прв да коментира...

Остави коментар