Биткоинот се искачи над 90.000 долари во азиското тргување, укажувајќи на можен посилен раст, откако не учествуваше во претпразничниот раст на берзите што ги донесе акциите до рекордни нивоа.
Оваа прва криптовалута се зголеми за до 3,1 отсто, над 90.200 долари, во Сингапур во понеделникот, покажуваат податоците на „Блумберг“ (Bloomberg). Пораснаа и другите криптовалути, при што етерот се зголеми за до 4 отсто и ја надмина границата од 3.000 долари.
Биткоинот во најголем дел остана непроменет, додека индексот S&P 500 достигна рекордно ниво во пресрет на Божиќ. Поширокиот криптопазар сè уште не закрепна од повеќенеделната распродажба што започна во октомври со ликвидација на задолжени позиции во вредност од околу 19 милијарди долари.
Прочитај повеќе
Тивкиот одлив на биткоинот го погодува криптопазарот, долгогодишни инвеститори продаваат
Масовната продажба од долгогодишни сопственици го држи биткоинот во надолен тренд, во услови на намалена побарувачка и слаб пазарен апетит.
18.12.2025
Биткоинот скокна, но дали ова е почеток на долго посакуваното закрепнување?
Биткоинот отиде над 93.000 долари – дали ова е почеток на вистинско закрепнување или само краткорочен импулс? Прочитајте кои се новите знаци на оптимизам на пазарот...
03.12.2025
Трговците со криптовалути се силно погодени по падот на ЕТФ на „Стратеџи“ од 80 отсто
Инвеститорите на мало што се вклучија во големиот експеримент со биткоинот на Мајкл Сејлор плаќаат висока цена.
02.12.2025
Биткоинот го почна месецов со пад под 86.000 долари
Криптовалутите денеска нагло паднаа, внесувајќи нов импулс во широката распродажба, која се чинеше дека се смирила.
01.12.2025
Нова надеж на криптопазарот
Интензивниот продажен притисок што го оптоваруваше биткоинот во последните недели се чини дека се намалува, поттикнувајќи надежи дека бруталниот пад на криптовалутата се ближи кон крајот.
25.11.2025
Падот на криптото го намалува богатството на семејството Трамп и неговите следбеници
Во вториот мандат на претседателот Доналд Трамп криптосредствата го трансформираа богатството на неговото семејство. Сега семејството Трамп (и неговите следбеници) минува низ дивата нестабилност вкоренета во дигиталните валути.
24.11.2025
Bloomberg
Тој период силно го ослабна пазарот, па трговците оттогаш се воздржани во вложувањето поголеми суми очекувајќи враќање на растот. Сега, сепак, има почетни знаци на промена на расположението.
Зголемувањето во понеделникот „делумно изгледа како резултат на тоа што краткорочните трговци на мало земаат сè поголеми позиции на фјучерс-пазарот“, изјави Себастијан Беа, главен директор за инвестиции во „Ризерв“ (ReserveOne Inc.), компанија за управување со криптосредства.
Стапката на финансирање за биткоин, клучен показател за расположението на криптопазарот, е на највисоко ниво од 18 октомври, покажуваат податоците на „Криптоквант“ (CryptoQuant), што укажува на растечка побарувачка за вложувања во раст на перпетуалните фјучерси.
Поскапува вложувањето во биткоин преку перпетуални фјучерси
Bloomberg
Вредноста на отворените фјучерс-договори за биткоин исто така порасна од неодамнешните минимуми, но сè уште е далеку под врвовите што се совпаднаа со рекордните нивоа на биткоинот во октомври, додаде Беа. Токенот достигна рекорд од 126.251 долар на 6 октомври.
Иако криптосекторот добива сè поголема институционална поддршка и низа регулаторни одлуки во негова корист за време на мандатот на американскиот претседател Доналд Трамп, биткоинот останува понизок за околу 4 отсто од почетокот на 2025 година.
.webp){kind=icon}
