Пензионирањето станува уште подалечна цел за американските граѓани бидејќи повисоките трошоци ги кратат нивните буџети.
Просечниот Американец сега верува дека му требаат 1,5 милион долари за удобно да се пензионира, што е речиси 17 пати повеќе од 88.400 долари, колку што штедачите издвојуваат во просек, покажува студијата на „Нортвестерн мјучуал“ (Northwestern Mutual).
Јазот, зголемен за 16 отсто во однос на минатата година, ги нагласува предизвиците што доаѓаат во фокус бидејќи населението над 65 години во САД се зголемува и Американците се соочуваат со изгледите за финансирање на подолг животен век и потенцијални намалувања на бенефициите за социјално осигурување.
„'Волшебниот број' на луѓето сега е 50 отсто поголем отколку што беше за време на пандемијата“, вели Адити Јавери Гокале, главна службеничка за стратегија во „Нортвестерн“. „Зголемените трошоци вршат поголем притисок врз потрошувачите да планираат и да бидат дисциплинирани штедачи, а сите знаат дека ќе им требаат повеќе пари поради зголемениот животен век“.
Американците ги зголемуваат целите за заштеда за пензија
Bloomberg
Генерацијата зед и милениумците ја поставија границата за удобно пензионирање највисоко, на повеќе од 1,6 милион долари. Генерацијата икс е блиску зад нив. Генерацијата, пак, што е најблиску до пензионирање, бебибумерите, имаат најниска граница, од 990.000 долари. „Бумерите се чувствуваат подобро околу нивните бројки и не веруваат дека ќе живеат толку долго колку зумерите (генерација зед), кои очекуваат да се пензионираат на 60 години и да живеат до 100 години“, вели Јавери Гокале.
Анализата на големината на тековните сметки за пензионирање врз основа на генерациската припадност открива тешки пречки за штедачите од сите возрасти. Просечните заштедени суми се 22.800 долари за генерацијата зед, 62.600 долари за милениумците, 108.600 долари за генерацијата икс и 120.300 долари за бумерите.
Даночно планирање
Еден начин што може да помогне да се премости тој јаз е преку напредно даночно планирање да се распределат средствата меѓу сметките што се оданочуваат поинаку.
„Многу луѓе вложуваат пари во плановите 401, но не сфаќаат дека при пензионирањето тој приход најверојатно ќе се оданочува со околу 20 или 30 отсто“, објаснува Јавери Гокале. Повлекувањата од традиционалните 401 во пензија се сметаат како обичен приход, така што тоа може да ги истурка пензионерите во повисока даночна група.
Од 30 отсто од анкетираните Американци што навистина имале план да ги минимизираат даноците на приходот од пензија, околу една третина рекле дека ќе направат стратегиски повлекувања од традиционалните сметки за пензионирање со одложени даноци за да останат во пониска даночна група.
Студијата за планирање и напредок на „Нортвестерн“ за 2024 година беше спроведена на интернет од страна на „Харис пол“ (Harris Poll) меѓу 3 и 17 јануари, меѓу 4.588 возрасни Американци.
.webp){kind=icon}