.webp){kind=icon}
При експертизите на доставените сомнителни книжни пари деноминирани во денари, коишто се извршени во текот на 2021 година од страна на Народната банка се утврдени 231 фалсификуван примерок, што претставува зголемување за 272,6 проценти во однос на утврдените фалсификувани книжни пари откриени во текот на 2020 година.
Во вкупниот број откриени фалсификувани книжни пари во 2021 година, најзастапен е апоенот од 2.000 денари ‒ 158 парчиња, или 68,4 проценти од вкупниот број фалсификати, потоа следат апоенот од 100 денари ‒ 32 парчиња, или 13,9 проценти од вкупниот број фалсификати и апоенот од 500 денари ‒ 21 парче, или 9,1 проценти од вкупниот број фалсификати.
„Вкупната вредност на фалсификуваните денари во 2021 година изнесува 349.700 денари и има незначително учество во однос на вкупната вредност на парите во оптек. Зголемувањето во однос на претходната година се должи на појавата на нов тип на фалсификат со апоенска вредност од 2.000 денари“, информираа од Народната банка во новиот годишен извештај.
