Златото паѓа поради неизвесноста за мировните разговори меѓу САД и Иран

Златото беше на пат кон неделна загуба бидејќи неизвесноста продолжи околу напредокот во разговорите меѓу САД и Иран за ставање крај на војната што ги потресе глобалните пазари.

Цената на златото падна под 4.450 долари за унца во петокот, упатувајќи се кон пад од околу  два процента во неделата во која се случија најсериозните судири на Блискиот Исток откако беше договорено примирје на почетокот на април. Во четвртокот, поддржаниот од Иран, Хезболах го отфрли примирјето меѓу Израел и Либан, посредувано од САД. Тоа следеше по нападите со ракети и беспилотните летала врз Кувајт и Бахреин и американскиот напад врз танкер за нафта што се движеше кон Иран.

Преговорите за ставање крај на поширокиот конфликт се заглавија откако минатата недела се чинеше дека се блиску до решение. Американскиот претседател Доналд Трамп во четвртокот изјави дека мировните преговори се во „завршна“ фаза откако иранскиот министер за надворешни работи, Абас Арагчи, претходно изјави дека „не е постигнат никаков опиплив напредок“.

 

Војната, која трае веќе четири месеци ги наруши енергетските текови преку Ормускиот Теснец, ги зголеми цените на нафтата и предизвика загриженост околу глобалната инфлација. Ова ја зголемува веројатноста централните банки да ги одржат каматните стапки стабилни или да ги зголемат - пречка за благородните метали, за кои не се иплаќа камата.

Перцепцијата дека застојот околу Ормускиот Теснец се оддалечил од решавање ја зголеми можноста за енергетски шок, а тоа „значи поскапи пари, што е товар за златото“, рече Николас Фрапел, глобален раководител на институционалните пазари во рафинеријата АБЦ. Златото се тргува под клучните технички нивоа на дневните и 4-часовните графикони, што сугерира дека трендот останува негативен во тие временски рамки, рече тој.

Златото нагло падна откако започна конфликтот кон крајот на февруари и се тргуваше во тесен опсег во последните неколку недели. Во петокот, беше приближно 16 проценти под нивото непосредно пред војната.

Во меѓувреме, претседателката на Федералната резервна банка на Сан Франциско, Мери Дејли, рече дека има премногу неизвесност во американската економија за да се понуди поглед кон каде се движат стапките. „Подготвени сме да одговориме на секој начин, што и да донесе економијата“, рече таа во четврток на конференцијата „Блумберг Тек“.

Спотот златото падна за 0,6 проценти на 4.447,22 долари за унца од 10:03 часот наутро во Сингапур. Среброто падна за 1,6 проценти на 72,70 долари за унца. Платината и паладиумот исто така паднаа. Bloomberg Dollar Spot Index беше непроменет откако ја заврши претходната сесија со пад од 0,1 процент.