Цената на нафтата на светските берзи повторно ослабна бидејќи вредноста на доларот достигна нов врв, а растечката загриженост од рецесија продолжи да ја загрозува глобалната побарувачка за таа суровина.
„West Texas Intermediate (WTI)“ повторно е на ниво од 78 долари за барел откако показателот на Блумберг за вредноста на американската валута порасна на историски највисоко ниво. Американската референтна нафта падна за повеќе од седум отсто минатата недела и заврши на најниско ниво од средината на јануари. Тоа беше четврт последователен неделан пад на нафтата, што претставува најдолга низа на загува во текот на оваа година.
Bloomberg Chartmaker/ Цена на барел WTI нафта
Нафтата е на пат да го оствари својот прв квартален пад во последните две години бидејќи американските Централни резерви (ФЕД) агресивно ги подигнуваат каматните стапки, а тоа им наштетува на показателите за побарувачката на енергија и ги намалува апетитите за ризик на инвеститорите. Заострувањето на монетарната политика од страна на ФЕД помогна вредноста на американскиот долар да дојде до својот рекорд, правејќи ги производите чија цена се мери во таа валута поскапи за купувачите од странство.
USDEUR:CUR
USD
1,0367 EUR
почетна цена
1,0331
претходна цена на затворање
1,0323
промена од почетокот на годината
18,0598%
дневен опсег
0,00 - 0,00
опсег на 52 недели
0,85 - 1,05
Падот на цената може да доведе до тоа Организазцијата на земјите извознички на нафта и нејзините сојузници да размислат за евентуална интервенција за да го зауздаат падот на цената. Претходно овој месец ОПЕК+ најави намалување на понудата и рече дека членките ќе го следат движењето на пазарот.
„Пазарот на нафта беше под притисок бидејќи ФЕД сигнализираше дека се подготвени дури и да се влезе во рецесија за да се победи инфлацијата“, рече Џејмс Вислер, генерален директор на „Vanir Global Markets Pte“. „Ова би можело да биде доволно за ОПЕК+ да преземат акција бидејќи моменталното ниво на цените веројатно е под интерните прогнози за земјите членки“, додаде Вислер.
Утрово WTI за испорака во ноември ослабна за 0,4 проценти, на 78,43 долари за барел, а Брентот сурова нафта за ноемвриското порамнување загуби 0,5 проценти од вредноста и барел нафта се продава за 85,74 долари.
„Bloomberg Dollar Spot“ индексот порасна за 1,1 процент, односно за дури 15 отсто од почетокот на годинава.
.webp){kind=icon}
Во моментов нема коментари за веста. Биди прв да коментира...