text size
Претставници на Европската Унија сè повеќе се уверени дека САД ќе се воздржат од воведување забрана за извоз на дизел во регионот, која би го продлабочила недостигот од снабдување.
Ден Јоргенсен, комесарот на ЕУ за енергетика, во вторникот им изјави на новинарите во Даблин дека испратил „многу јасен сигнал“ до американскиот секретар за енергетика Крис Рајт дека таквата забрана не би била во ничиј интерес. Јоргенсен ги поздрави коментарите на Рајт дека тој не поддржува таков потег.
Треба да „имаме што е можно послободен проток на енергија во овие тешки времиња“, рече Јоргенсен пред состанокот на министрите за енергетика на ЕУ. Неговите коментари следуваат откако минатата недела за „Блумберг“ изјави дека ќе разгледа одложување за една година на некои правила за метан за увозниците - климатски закон што предизвика гнев кај американската влада.
Прочитај повеќе
САД размислуваат за забрана на извозот на дизел. Што би значело тоа за цените во Европа?
Од другата страна на Атлантикот се слушаат сè погласни повици администрацијата на Трамп да го забрани извозот на нафтени деривати, додека цените на бензинот и дизелот во САД достигнуваат рекордно високи нивоа.
25.09.2026
Трамп побарал забрана за извоз на гориво поради скокот на цените
Цените на дизелот се искачија над 6 долари за галон за првпат досега во САД, зголемувајќи го ризикот од дополнителна инфлација, непосредно пред почетокот на сезоната на најголема побарувачка за горивото.
22.09.2026
Историски рекордна цена на дизелот во САД, шест долари за галон
Рекордната цена доаѓа пред сезоната на најголема побарувачка, додека геополитичките тензии ги ограничуваат производството и транспортот на гориво.
11.09.2026
Претседателот Доналд Трамп во неделата изјави дека „многу сериозно“ размислува за забрана на извозот на дизел, додека е под сè поголем притисок да ги ограничи цените на горивото во САД. Таквиот потег ги зголеми стравувањата дека Европа би можела да се соочи со дополнителен недостиг, при што речиси 20 отсто од нејзиниот увоз веќе е погоден од нарушувањата во Ормускиот Теснец.
Францускиот претседател Емануел Макрон минатата недела ја повика Европската комисија да ги ублажи правилата за дизелот за да можат рафинериите да произведуваат повеќе.
Европа „е еден од најизложените региони, ако не и најизложениот, кога станува збор за дизелот“, рече Фатих Бирол, извршниот директор на Меѓународната агенција за енергетика, во вторникот во Даблин. „Денес, околу 50 отсто од нашиот дизел добиваме од Соединетите Американски Држави.“
Ирскиот министер за енергетика Дараг О’Брајан исто така рече дека посетата на САД минатата недела и средбите со Стопанската комора на САД му оставиле впечаток дека администрацијата на Трамп ќе се воздржи од спроведување забрана за извоз на дизел. Тој додаде дека секоја таква мерка би им наштетила и на американските рафинерии.
„Од она што успеав да го дознаам од колегите во Соединетите Американски Држави минатата недела, тие не очекуваат дека ќе се случи тоа“, рече О’Брајан. „Но, видете, мора да бидеме претпазливи.“
.webp){kind=icon}
