.webp){kind=icon}
Пазарите на жито се стабилизираа во текот на денешниот ден, а земјоделците и трговците се внимателни, очекувајќи ги следните потези од Русија, додека бродовите продолжуваат да се движат по украинскиот коридор за сигурно минување, и покрај упатените предупредувања од Москва.
Денеска уште три брода испловија од Украина, соопштија од Обединетите нации (ООН), а 12-те брода што отпловија вчера го напуштија коридорот. Ниту еден нов брод не се упати кон Украина преку коридорот.
Цената на пченицата денеска падна за 0,9 отсто на берзата во Чикаго, откако претходно скокна за дури 6,4 проценти во текот на вчерашниот ден. Цената на пченката се движи со мали промени.
Прочитај повеќе
Пченицата поскапе за дури 7,7 отсто откако Русија се повлече од договорот
Пченицата на берзата во Чикаго скокна за 7,7 отсто, а во Сингапур за 5,6 проценти.
31.10.2022
Цената на житото може да скокне по одлуката на Русија за украинскиот извоз
Русија во саботата одлучи да се повлече од договорот за извоз на украинско на жито, поради нападот врз нејзините воени бродови на Крим.
30.10.2022
ООН и Турција се обидуваат да го спасат договорот за да може да функционира украинскиот извоз откако Русија ја прекина својата соработка во текот на викендот. Но на тоа што извозот продолжи да се одвива, Русија одговори со предупредување дека не може да ја гарантира безбедноста на бродовите во коридорот. Руското министерство за одбрана соопшти дека движењето на бродовите е неприфатливо.
Украина вчера соопшти дека Русија почнала голем бран ракетни напади низ земјата, а подоцна извести и дека Русија веќе погодила два цивилни шлепери што биле вклучени во превозот на жито во близината на Очакив, источно од коридорот договорен со ООН.
Заканите од Русија го зголемуваат ризикот за бродовите што го минуваат коридорот, а кои веројатно ќе се соочат со зголемени трошоци за испратнина и осигурување, додека сопствениците на бродовите може да бидат многу попретпазливи при испраќањето бродови поради стравот дека може да заглават.
„Во Украина испораките на посевите до пристаништата се запираат како одговор на зголемената неизвесност“, објави вчера украинскиот агробизнис-клуб. Потегот на Русија значајно ќе го намали извозот во ноември, бидејќи пазарот на житни култури не брза да резервира нови бродови за утовар, според аналитичарите на „УкрАгроконсалт“ (UkrAgroConsult).
Процесот беше преполн со ризици дури и пред руската објава минатиот викенд, бидејќи се трупаа сѐ поголеми резерви, а руските критики на договорот го поттикнаа прашањето дали договорот ќе биде обновен по неговото истекување на 19 ноември.
Заедничкиот координативен центар на ОН, кој ги надгледува бродовите што се движат низ коридорот, но и инспекциите во Истанбул, рече дека вчера биле завршени 46 инспекциски надзори и дека бродовите се пуштени да пловат понатаму до нивните дестинации. Трите нови пловила што ќе заминат од Украина, со вкупно 84.490 тони жито и прехранбени производи, беа договорени од украинските, турските и делегациите на ОН, а руската делегација беше само информирана за тоа.
„Вчера четири влезни брода добија одобрение да патуваат за Украина. Два од нив денеска стигнаа до пристаништата во Украина, еден не влезе во коридорот, додека еден се врати назад поради осигурителни причини“, изјави Исмини Пала, портпарол на ООН задолжен за Иницијативата за транспорт на житни култури преку Црно Море.
ООН и Турција, кои посредуваа во договорот, прават напори да ја поништат суспензијата од Русија.
„Генералниот секретар на ООН, Антонио Гутереш, води интензивни разговори за ситуацијата“, изјави вчера портпаролот Стефан Дужарик.
Турскиот министер за одбрана, Хулуси Акар, им порача на украинските министри за одбрана и инфраструктура дека коридорот за жито во Црно Море треба да се држи настрана од конфликтот. Германската влада соопшти дека германскиот канцелар Олаф Шолц и украинскиот претседател Володимир Зеленски разговараа за ситуацијата и повикаа да не се загрозуваат спроведувањето и продолжувањето на договорот за жито под покровителство на ООН, за да се избегне дополнително оптоварување на ситуацијата со храна во светот.
