.webp){kind=icon}
Турскиот претседател, Реџеп Таип Ердоган, изјави дека пратките преку украинскиот коридор за житарки ќе продолжат денеска околу пладне.
Обраќајќи им се на претставниците на владејачката партија во главниот град, Анкара, Ердоган рече дека руските власти претходно им дале вакво ветување на нивните турски колеги.
Фјучерсите на пченицата со која се тргува во Чикаго, по ова паднаа за 3,6 отсто, бришејќи дел од добивките остварени на почетокот на оваа недела, откако Русија соопшти дека го суспендира учеството во договорот за време на викендот.
Цените на житарките беа нестабилни во текот на изминатите неколку месеци поради шпекулациите за судбината на договорот, кој требаше да биде обновен во средината на ноември.
Турција е домаќин на заедничкиот координативен центар за коридорот, каде што Обединетите нации најавија дека испораките ќе запрат затоа што руските власти предупредија дека бродовите се небезбедни на оваа рута.
