.webp){kind=icon}
Цените на природниот гас во Европа пораснаа поради загриженоста околу увозот на течен гас од клучните американски компании, како и поради првите знаци на ладно време.
Терминските цени денеска пораснаа дури за 9,9 проценти, по вчерашниот раст од 16 отсто.
Температурите на континентот до крајот на неделава ќе паднат под просекот, што може да ги принуди луѓето да користат греалки, зголемувајќи ја на тој начин побарувачката за гас. Комбинацијата од заладување на временските температури и проблеми со испораките претставува потсетник дека европскиот систем ќе биде кревок во текот на зимскиот период поради недостигот од значајните количества руски текови.
Прочитај повеќе
ББА-анализа: Струјата, гасот и горивата ќе „горат“ до пролет
Инфлацијата и нарушувањата во синџирот на снабдување продолжуваат да влијаат врз движењата на цените.
14.11.2022
Европската струја е рекордно скапа и покрај владините мерки
Цената на киловат гас за една година поскапе двојно, додека сметките за струја се покачија за 67 отсто.
07.11.2022
Bloomberg Mercury
Цените претходно паѓаа поради тоа што пријатното време, кое траеше долго, ја одложуваше грејната сезона, што помогна за полнење на складиштата со резерви. Но, дури и со полни резерви, кризата е далеку од крајот.
Американската компанија „Фрипорт ЛНГ“ (Freeport LNG) извести дека веројатно ќе ги откаже испораките закажани за ноември и декември, бидејќи продолжува со поправките на терен. Компанијата претходно испорачуваше 15 проценти од вкупното гориво во САД.
Холандскиот природен гас се тргува за 7,3 проценти повеќе, односно за 122 евра по мегават-час, додека еквивалентот во Велика Британија порасна за 7,9 отсто.
