.webp){kind=icon}
Нафтата падна поради тоа што инвеститорите се фокусирани да ја проценат ескалацијата на војната во Украина, откако вчера на територија на Полска падна ракета од руско производство.
Вредноста на ВТИ (West Texas Intermediate) денеска падна на ниво од околу 86 долари за барел, откако претходно порасна за 1,2 процент во текот на вчерашниот ден. Поточно, ВТИ за испорака во декември падна за 0,9 проценти, на 86,11 долари за барел, додека нафтата брент за испорака во јануари загуби 0,8 проценти од вредноста и сега се тргува за 93,16 долари за барел.
Bloomberg Mercury
Челниците на НАТО денеска ќе одржат итен состанок, бидејќи американскиот претседател Џо Бајден и клучните европски лидери повикаа на претпазливост откако ракета погоди село во Полска, непосредно до границата со Украина.
Штрајковите даваат дополнителен елемент на несигурност за трговците, кои се загрижени поради забавувањето на светската економија.
„Позитивната атмосфера бргу исчезна. Цените на нафтата ќе продолжат да се борат за раст сѐ додека трговците не видат опипливи докази дека Кина ги ублажува своите мерки против ковид“, рече Џејмс Вислер, директор на „Ванир глобал маркетс“.
Кина веќе ублажи дел од строгите мерки во рамките на политиките за нулта ковид, но најголемиот светски увозник на сурова нафта се бори со порастот на инфицирани случаи. Бројот на заразени со вирусот таму порасна на речиси 20.000, што претставува најголема бројка од крајот на април.
