.webp){kind=icon}
Нафтата ги зголеми загубите бидејќи инвеститорите повторно се фокусираа на загриженоста околу изгледите за побарувачката на овој енергент откако попушти геополитичката напнатост.
ВТИ (West Texas Intermediate) падна кон нивото од 84 долари за барел, откако вчера затвори за 1,5 процент пониско. Поточно, ВТИ за испорака во декември падна за 1,3 процент, на 84,48 долари за барел, додека нафтата брент за испорака во јануари загуби еден процент од вредноста и барел се тргува по цена од 91,89 долар.
Bloomberg Mercury
Кина се бори со порастот на случаи инфицирани со ковид, додека ЈП Морган Чејс (JPMorgan Chase & Co) предвидува дека САД следната година ќе влезат во блага рецесија поради зголемувањето на каматите. Зајакнатиот долар придонесе за уште поголем пад на вредноста на нафтата, правејќи ја поскапа за странските купувачи.
Лидерите од НАТО и Полска рекоа дека нема знаци дека проектилот што заврши во пограничното полско село, блиску до Украина, беше намерен напад од Русија, намалувајќи ги стравовите дека може да доведе до ескалација на војната во Европа. Нафтоводот што носи руска нафта кон запад повторно почна со испораките по прекинот со снабдувањето со електрична енергија.
Немаше реакции на цената откако податоците од американската влада покажаа дека комерцијалните резерви од минатата недела се намалија за 5,4 милиони барели, што претставува најголем неделен пад од август. Сепак, изгледите за испораките на светско ниво се неизвесни, а Европската Унија (ЕУ) од декември ќе ги санкционира испораките на руска сурова нафта.
„Со оглед на тоа дека геополитичките ризици донекаде се намалија, загриженоста околу побарувачката повторно зазеде централно место на пазарот на нафта. Кинеската побарувачка останува загрижувачка“, рече Ворен Петерсон, раководител за стоковни стратегии во ИНГ груп НВ (ING Groep NV).
Дневниот број на ковид-случаи во Кина повторно порасна и се приближува кон врвот достигнат во најлошиот период на масовното ширење на вирусот во Шангај во текот на оваа година. Цените на нафтата и натаму се под притисок додека државата продолжува да затвора цели региони, се наведува во соопштението од Ситигруп (Citigroup Inc.).
