.webp){kind=icon}
Нафтата се приближува кон неделна добивка, враќајќи се од слабиот почеток на годината, главно поради подобрувањето на изгледите за побарувачката во Кина, како и слабеењето на американската инфлација. Имено, Кина оваа недела го зголеми купувањето сурова нафта откако Пекинг издаде нова увозна квота, а потрошувачката е подготвена да се зголеми до рекорд оваа година, по излегувањето на нацијата од политиката за нулта ковид.
Движење на цената на ВТИ на неделно ниво / Bloomberg Mercury
ВТИ утрово падна за 0,4 отсто, на 78,09 долари за барел, додека нафтата брент падна за 0,5 отсто, на 83,60 долари за барел. Но на неделно ниво фјучерсите на нафтата се зголемија за околу шест отсто.
Потрошувачките цени во САД во декември го забележаа првиот месечен пад од 2020 година, поттикнувајќи ги очекувањата дека ФЕД ќе го забави темпото на зголемување на каматните стапки и додавајќи одредено пазарно расположение на финансиските пазари.
„Пазарите се оптимистични за тоа што го прави Кина, но мислам дека не се продаваат сите на тезата за бурна економија. Иако намалувањето на ризиците од рецесија ѝ даде на нафтата малку простор за дишење, доколку се случи цените одново многу да пораснат, тоа може брзо да ја намали поддршката од страна на побарувачката“, рече Вишну Варатан, шеф за економија и стратегија за Азија во „Мизуро банк“ (Mizuho Bank Ltd).
