Нафтата паѓа втора сесија по ред, намалувајќи ја неделната добивка, бидејќи инвеститорите ја проценуваат загриженоста за глобалното економско забавување наспроти нагорните изгледи за кинеската побарувачка по крајот на политиката за нулта ковид.
Утрово ВТИ за испорака во март падна за 0,5 проценти, на 77,68 долари за барел, додека нафтата брент за испорака во април загуби 0,4 отсто од вредноста и барел се тргува по цена од 84,19 долари.
Иако фјучерсите на ВТИ утрово паднаа под 78 долари за барел во тргувањето на азиските пазари, тие сè уште се во пораст за речиси шест проценти неделно.
Претставниците на Федералните резерви (ФЕД) оваа недела сигнализираа дополнително заострување на монетарната политика за борба против инфлацијата, при што ризиците од рецесија низ глобалната економија висат над пазарот. А тој, пак, сè уште чека одржливо враќање на кинеската побарувачка по укинувањето на рестрикциите за ковид од страна на нацијата. Некои дури предвидуваат дека отворањето на Кина ќе ја врати нафтата од типот брент над 100 долари за барел подоцна оваа година. Сепак, трговците со опции се обложуваат дека растот на цените може да дојде уште кон крајот на мај.
„Пазарот бележи закрепнување на побарувачката, а мобилноста во Кина, САД и Европа покажува подобрување“, рече Гуи Ченкси, аналитичар во ЦИТИК (CITIC Futures Co), додавајќи дека нафтата дополнително ќе поскапи ако рецесијата се намали.
Bloomberg Mercury
Инаку, нафтата е на пат за најголем неделен напредок од средината на јануари поради тридневниот голем раст постигнат на почетокот на неделата. Зголемувањето на цените на суровата нафта на Саудиска Арабија за Азија, како и серијата прекини на снабдувањето од Норвешка до Турција, ги поттикна добивките.
.webp){kind=icon}
Во моментов нема коментари за веста. Биди прв да коментира...