Цената на нафтата се зголеми втора сесија по ред, што ќе резултира со намалување на скромната неделна загуба во исчекување на податоците што ќе помогнат во обликувањето на дебатата за монетарната политика.
Утрово ВТИ за испорака во април порасна за 0,8 проценти, на 76 долари за барел, а за исто толкав процент се зголеми и цената на нафтата брент, која сега се продава по 82,86 долари за барел.
ВТИ се искачи близу 76 долари за барел по затворањето на речиси два отсто повисоко во претходната сесија. Инвеститорите ќе ги следат податоците за лични трошоци, што треба да бидат објавени подоцна во теков на денешниот ден за да добијат насока за патот на ФЕД во делот на каматните стапки.
Записниците од ФЕД оваа недела сигнализираа дека доаѓаат повеќе зголемувања на каматите. Банките на Волстрит почнуваат да ги омекнуваат своите прогнози за цената на суровата нафта, со тоа што УБС (UBS Group AG) и Морган Стенли (Morgan Stanley) се најновите што ги намалија предвидувањата.
Bloomberg Mercury
„Потребна е поуверлива слика во кинеска активност за да се подигнат очекувањата за нафтата повисоко“, рече Чару Чанана, стратег во „Саксо“ (Saxo Capital Markets Pte). „Изгледите за повеќе зголемувања на каматните стапки, како и зголемувањето на американските резерви, најмногу влијаат на цените“, додаде таа.
Американските резерви на сурова нафта минатата недела пораснаа за 7,65 милиони барели, што е највисоко ниво од мај 2021 година, покажуваат владините податоци.
.webp){kind=icon}
