text size
Новиот директор на „Шел“ (Shell Plc) рече дека намалувањето на производството на нафта и гас ќе биде лошо за потрошувачите, повторувајќи го пренасочувањето на другите големи производители на енергија кон фосилните горива и енергетската безбедност.
„Јас сум на цврст став дека на светот ќе му требаат нафта и гас уште долго време. Како такво, намалувањето на производството на нафта и гас не е здраво“, рече утрово главниот извршен директор на „Шел“, Ваел Саван, во интервју за радиото „Тајмс“.
БП (BP Plc), најблискиот партнер на „Шел“, минатиот месец рече дека ќе го забави планираното кратење на производството на нафта и гас, со цел да се гарантира сигурноста на снабдувањето со енергија по прекинот предизвикан од руската инвазија врз Украина.
„Се разбира, во 2022 година ја видовме кревкоста на енергетскиот систем. Да се види дека цените почнуваат да се зголемуваат до небо, тоа не е здраво за никого, особено за потрошувачите“, рече Саван.
.webp){kind=icon}
