.webp){kind=icon}
Глобалната референтна вредност на нафтата брент порасна втора последователна недела, добивајќи поттик вчера доцна попладнето од официјалните претставници на Обединетите Арапски Емирати (ОАЕ), кои се спротивставуваат на плановите за излез од ОПЕК.
По колебањето во утринските часови, растот на суровата нафта повторно беше оживеан, откако државните власти го демантираа извештајот на „Волстрит журнал“ (Wall Street Journal) за растечкиот јаз меѓу ОАЕ и Саудиска Арабија.
Поширокото расположение поврзано со ризик исто така го поддржа напредокот во петокот, туркајќи ги и нафтата брент и ВТИ на највисоко ниво во текот на денот во последните повеќе од две недели.
Движење на цената на нафтата ВТИ / Bloomberg Mercury
„Одговорот на Обединетите Арапски Емирати на оваа вест зборува за нивната убеденост да спречат пад на цената на нафтата“, рече Кристијан Малек, глобален раководител за енергетска стратегија во „ЏП Морган“ (JP Morgan).
Цените на нафтата се мачеа да излезат од опсегот од 10 долари оваа година, при што трговците ги одмеруваат зголемувањата на каматните стапки од страна на Федералните резерви (ФЕД) наспроти очекувањата за поголема потрошувачка на сурова нафта од Кина по отварањето на земјата од политиката на нулта ковид. Низата економски податоци објавени оваа недела од најголемиот увозник на сурова нафта во светот се сметаа за доказ за закрепнувањето, што доведе до добивка за нафтата од повеќе од два долара оваа недела.
Со тоа, ВТИ ја затвори оваа недела на тргување со цена од 79,68 долари за барел, а цената на нафтата брент се искачи на 85,83 долари.
