Цената на нафтата се искачи шеста сесија по ред во услови на поширок раст на акциите пред сведочењето на претседателот на Федералните резерви, Џереми Пауел, кое ќе обезбеди индиции за понатамошниот пат на монетарно затегнување.
Утрово ВТИ и нафтата брент пораснаа за 0,3 проценти и се тргуваат по цена од 80,68, односно 86,42 долари за барел.
ВТИ порасна кон 81 долар за барел, откако вчера се затвори на највисоко ниво во последните пет недели, бидејќи фјучерсите напредуваа над стодневниот просек.
Пауел ќе започне дводневно сведочење пред комитетите на Сенатот и Домот во Вашингтон во текот на денешниот ден.
Движење на цената на ВТИ и нафтата брент / Bloomberg Mercury
„Со оглед на тоа што нафтата моментално наоѓа поддршка од нејзиниот стодневен просек, се чини дека цените може повторно да го тестираат нивото од 90 долари“, рече Јеап Јун Ронг, пазарен стратег во „ИГ Азија“ (IG Asia Pte) во Сингапур.
Суровата нафта издржа незгодна година, поттикната од загриженоста за понатамошното зголемување на каматните стапки од ФЕД и нагорните изгледи за кинеската побарувачка по крајот на политиката на нулта ковид. Сепак, најголемиот светски увозник на нафта постави претпазлива цел за економски раст оваа година, што нарушува одреден оптимизам во изгледите. Трговците ги следат и руските енергетски текови по санкциите поради војната на нацијата во Украина. Се чини дека тие досега се отпорни, а главниот извршен директор на „Гунвор груп“ (Gunvor Group), Торбјорн Торнквист, рече дека планот на Русија да го намали производството на нафта за 500.000 барели дневно во март сè уште не влијае на нејзиниот извоз.
.webp){kind=icon}
