Нафтата се движи кон својата најголемата неделна загуба оваа година, откако банкарските превирања се разбрануваа на глобалните пазари, при што инвеститорите внимаваа на потенцијалниот одговор од Организацијата на земји извознички на нафта и нивните сојузници, ОПЕК+.
ВТИ за испорака во април утрово се покачи за 0,6 проценти и барел се тргува по цена од 68,79 долари, додека нафтата брент доби исто толкав процент на својата вредност, но барел од оваа нафта чини 75,13 долари. Фјучерсите на ВТИ денеска се искачија до 69 долари за барел, но сè уште се поевтини за околу 10 проценти на неделно ниво.
Шефовите на ОПЕК + од Саудиска Арабија и Русија се состанаа вчера во Ријад и разговараа за напорите на групата за промовирање пазарна рамнотежа и стабилност. Комитетот за следење на картелот, кој може да препорача промена во производството, треба да се состане на 3 април.
ОПЕК+ најверојатно ќе остане цврсто на ставот и ќе го следи пазарот, освен ако нафтата брент не падне под 70 долари за барел за подолг период, смета индустриската консултантска куќа ФГЕ (FGE), додека од „Енерџи аспектс“ (Energy Aspects Ltd) велат дека групата на производители веројатно ќе почека да се смират финансиските пазари пред да одлучи дали да реагира.
Неделна промена на цената на ВТИ / Bloomberg Mercury
Проблемите во „Кредит Суис“ (Credit Suisse Group AG), комбинирани со покритијата за опциите, ја доведоа нафтата неделава на најниско ниво во последните 15 месеци. Додека пазарите почнуваат да гледаат одредена стабилност, инвеститорите исто така ќе внимаваат да видат дали Федералните резерви (ФЕД) повторно ќе ги зголемат каматните стапки следната недела.
Нафтата може да се бори да оствари силни добивки во блиска иднина, при што ОПЕК оваа недела прогнозираше скромен суфицит во вториот квартал, типичен период на мека побарувачка пред летото. Меѓународната агенција за енергетика исто така соопшти дека пазарот веќе има вишок од тврдоглавото високо руско производство.
.webp){kind=icon}
