.webp){kind=icon}
Нафтата флуктуира додека инвеститорите се подготвуваат за понатамошна нестабилност поради тоа што последиците од банкарската криза ги брануваат пазарите. Фјучерсите на ВТИ ги избришаа претходните добивки, за да се тргуваат близу 69 долари за барел, откако минатата недела затворија речиси четири проценти повисоко.
Имено, утрово нафтата ВТА за испорака во мај се тргува по цена од 69,33 долари за барел. Слично реагираше и нафтата брент, чија цена за барел сега е 74,97 долари.
Со оглед на тоа што банкарската криза ги зголемува рецесиските стравови, американските власти размислуваат да го зголемат капацитетот за итни заеми, една од неколкуте опции што се разгледуваат засега.
Движење на цената на ВТИ и нафтата брент / Bloomberg Mercury
Нафтата останува на пат да ја оствари својата најголема загуба во првиот квартал од 2020 година, бидејќи потенцијалната американска рецесија, француските немири и еластичното руско производство влијаат на изгледите.
Прогнозата на „ЏП Морган Чејс“ (JPMorgan Chase & Co) е дека нафтата брент може да се спушти под 60 долари за барел во блиска иднина.
„Пазарите продолжуваат да се движат во согласност со макроекономските ветрови. Тоа е она 'кога нема вест е добра вест' за нафтените пазари, бидејќи викендот не забележавме никакви нови пукнатини во банкарските системи“, рече Пријанка Сачдева, аналитичарка во брокерската куќа „Филип Нова“ (Phillip Nova Pte Ltd) во Сингапур.
Инвеститорите ќе ги следат коментарите на неколку функционери на Федералните резерви (ФЕД) и клучната мерка за инфлацијата во САД, која ќе биде објавена оваа недела, со цел да се видат насоките за идните чекори на монетарната политика во услови на најстрмниот циклус на затегнување во една генерација.
Во Франција, „Ексон мобил“ (Exxon Mobil Corp) во саботата соопшти дека ќе започне со затворање на својата рафинерија, што претставува 20 проценти од капацитетот на рафинериите во земјата, поради недостиг од снабдување со сурова нафта предизвикан од тековните протести. Тоа ги погоди производителите како Нигерија, така што половина од априлските испораки на нивната нафта сè уште останаа непродадени.
