text size
Веројатноста дека светската економија ќе влезе во рецесија се приближува до 50 отсто, откако централните банки ја заострија и продолжија да интервенираат во монетарната политика и секако како слабее побарувачката за стоки, предвидуваат во својата последна анализа, економистите од Citigroup Inc.
Шоковите на страна на понудата продолжуваат да ја зголемуваат инфлацијата и го намалуваат растот, додека централните банки сега енергично ги зголемуваат каматните стапки, а побарувачката на потрошувачите за стоки се намалува, велат економистите предводени од Нејтан Шитс во извештајот кој го објавија денеска.
Bloomberg Mercury
„Искуството од порано покажува дека дезинфлацијата често носи значителни трошоци за раст и гледаме дека вкупната веројатност за рецесија сега се приближува до 50 отсто,“ напишаа економистите. „Централните банки сè уште може да ги дизајнираат „меките“ мерки што ги отелотворуваат во нивните прогнози , но тоа ќе бара шокови на понудата и побарувачката да остане еластична“.
Ситигруп сега предвидува дека светската економија ќе расте за 3 отсто оваа година и 2,8 отсто во 2023 година. Нејзините економисти сметаат дека ако навистина се случи рецесија, веројатно ќе биде од тој тип во кој невработеноста ќе се зголеми за само неколку процентни поени, а производството ќе доживее неколку слаби квартали.
„Го гледаме ова како разумно очекување, но џокерот, како што веќе нагласивме, е колку е тврдоглава инфлациската динамика, што ќе се види на крајот, велат тие.
.webp){kind=icon}
