.webp){kind=icon}
Руските доставувачи на мазут се на пат овој месец да остварат рекорден извоз во Кина, бидејќи помалите рафинерии во азиската земја го зголемуваат количеството што го користат за мешање.
Руските производители во мај треба да ѝ продадат на Кина над 350.000 барели мазут, помалку вреден дел од барелот од бензинот и дизелот, покажуваат податоците на истражувачката компанија „Кплер“ (Kpler). Протоците на мазут во Кина се зголемија по февруари, кога стапи во сила ограничувањето на цената на руските нафтени деривати. Набавките неодамна вртоглаво пораснаа бидејќи провинцијата Шандонг, дом на повеќето независни рафинерии во земјата, почна да врши проверки на квалитетот на смесите.
Bloomberg Mercury
„Очекуваме дека приливот на мазут во Кина ќе остане висок во мај и ќе се зголеми дополнително од јуни“, рече Џијанан Сан, аналитичар од Лондон во „Енерџи аспектс“ (Energy Aspects Ltd).
На некои од кинеските компании им беше доделена помала квота за увоз на сурова нафта во првите две серии од 2023 година, во споредба со лани, што значи дека за нивните потреби за преработка треба да се потпрат на други суровини, како што е мазутот.
Руските рафинери најверојатно ќе го зголемат снабдувањето во Азија со мазут со висок сулфур за дури 140.000 барели дневно во следните недели, додаде Сан од „Енерџи аспектс“.
Според Виктор Катона, аналитичар во „Кплер“, Русија сега испорачува околу 35-40 проценти од целокупниот мазут увезен во Кина. Прекумерното купување на Кина можеби нема да продолжи, бидејќи властите поставија годишен систем на квоти за увоз на мазут за недржавните фабрики.
