И Франција се враќа кон производство на струја на јаглен

По Германија, и Франција се враќа кон јагленот. Француското Министерствто за енергетска транзиција соопшти дека зимава би можела да биде активирана една електрана на јаглен на истокот на земјата.

Електраната Сент Аволдб беше ставена вон употреба годинава на 31 март, но најверојатно ќе биде рестартирана зимава заради недостигот на гас  со кој се соочува Европа откако Русија го намали дотокот на енергенсот кон континентот.

Претходно, и Гермнаија најави дека е можно да се врати кон користењето јаглен за производство на струја. Министерот за економија, Роберт Хабек, минатата недела предупреди дека земјата може да има сериозни проблеми зимава и дека ако нема доволно гас некои компании ќе мора да запрат со производство.

Германија во моментов се обидува да ги наполни складиштата со гас за претстојната зима. Според планот, до 01 ноември тие треба да се исполнети до 90 отсто што во моментов се чини тешко остварливо заради намалениот доток на руски гас.

Затоа, Владата во Берлин веќе размислува за активирање на електраните за производтсво на струја на јаглен кои беа затворени за да се намали загадувањето. Сега властите велат дека враќањето кон јагленот ќе биде „горко, но во оваа ситуација едноставно е потребно да се намали потрошувачката на гас“ .

 

Во моментов нема коментари за веста. Биди прв да коментира...

Остави коментар