Цената на нафтата напредуваше откако претседателот Џо Бајден и претседателот на Претставничкиот дом, Кевин Мекарти. постигнаа привремен договор во текот на викендот за максималната граница на американскиот долг, што веројатно ќе спречи катастрофално неплаќање на обврските на САД.
ВТИ за испорака во јули порасна за 0,8 отсто, на 73,28 долари за барел, а нафтата брент се покачи за 0,7 отсто, на 77,49 долари за барел.
Bloomberg Mercury
Фјучерсите на ВТИ пораснаа над 73 долари откако претходно, во петокот, се затворија за 1,2 отсто повисоко. Бајден и Мекарти изразија уверување дека нивниот договор ќе помине во Конгресот и ќе стигне до бирото на претседателот за потпис.
Поради националните празници се очекува ликвидноста денеска да биде слаба во САД и Велика Британија. Нафтата сè уште е со пониска цена за околу девет отсто оваа година бидејќи слабото економско закрепнување на Кина и агресивното монетарно затегнување на Федералните резерви (ФЕД) влијаеја на изгледите за побарувачката. Руското снабдување исто така се покажува како отпорно, дури и откако нацијата рече дека ќе го намали производството, додека домашната преработка на сурова нафта опадна.
Динамиката на снабдување останува во фокусот, при што Саудиска Арабија и Русија неодамна понудија спротивставени изјави за потенцијалот за промени во политиката за снабдување од страна на Организацијата на земји извознички на нафта и нивните сојузници (ОПЕК+). Групата се состанува во Виена на 3 и 4 јуни за да одлучи за нивоата на производство.
„Напредокот на нафтата во однос на горната граница на долгот на САД претставува надеж дека ќе ги ублажи непосредните закани за намалување на понудата од ОПЕК+“, рече Вишну Варатан, раководител за економија и стратегија за Азија во „Мизухо“ (Mizuho Bank Ltd).
.webp){kind=icon}