.webp){kind=icon}
Европската комисија ги повика „доверливите меѓународни добавувачи на гас“ да достават понуди на вториот заеднички тендер на ЕУ за набавка гас, кој трае од 7 до 10 јули.
Со тендерот се бара обезбедување на 15,92 милијарди кубни метри гас за потребите на 49 компании од ЕУ за периодот од август 2023 година до март 2025 година. Речиси половина од бараните количества на енергентот се однесуваат на течен природен гас (ЛНГ).
Количеството на гас кое се бара на овој втор сеевропски тендер е за 11,6 милиони кубни метри поголемо од она од првиот, што според Еврокомисијата, покажува зголемената важност на заедничката Енергетска платформа за зајакнување на енергетска безбедност на ЕУ.
Прочитај повеќе
Во Германија отпор за ЛНГ-терминал во Балтичко Море
За одлуката треба да се гласа денеска, но противењето за проектот клучен за зимата е силно.
07.07.2023
Алтернативи за гас немаме, проекти и желби имаме
Има повеќе проекти за диверзификација на снабдувањето, но досега сите се само на хартија.
28.06.2023
Побарувачката на гас ќе трае со децении и покрај зелената транзиција
Најголемите светски производители имаат намера да ги забрзаат инвестициите во природен гас.
24.06.2023
Македонија зависна, а нема мир со цените на струјата и гасот - сè уште
Лани во август цената на Унгарската берза надмина 800 евра, фјучерсите за август годинава изнесуваат 132 евра за мегават-час.
20.06.2023
Потпретседателот на Европската комисија и еврокомесар за меѓуинституционални односи Марош Шефчович оцени дека зголеменото ниво на заедничката побарувачка за гас, укажува дека европските компании се се посигурни во ефикасноста на Енергетската платформа на ЕУ за задоволување на нивните потреби.
„Таа брзо станува воспоставен пазар и ефикасна алатка за справување со енергетската криза предизвикана од руската агресивна војна против Украина. Ги охрабрувам доверливите меѓународни добавувачи да ги достават своите понуди и да ја искористат можноста да ја прошират својата база на клиенти во ЕУ и Енергетската заедница“, истакна Шефчович.
Проектот за заедничка набавка на гас во ЕУ е дел од Планот за диверзификација на изворите на енергенти и зајакнување на енергетската безбедност пред следната зима. На овој начин на компаниите им се овозможува да настапат со заедничка побарувачката за гас и да се усогласат со конкурентните понуди за снабдување на глобалниот пазар. Механизмот, со кој досега се опфатени над 150 компании, е отворен за субјекти од сите членки на ЕУ и од земјите опфатени со Енергетската заедница. Предвидено е до крајот на 2023 година да бидат распишани уште три тендери.
